Bu gün 20 - may tarixində, tanınmış şair, xeyriyyəçi, iş adamı Gülağa Tənha - nın ad günüdür. May ayı müqəddəs aylardandır, bu ayda dünyaya gələn insanlar potensialı ilə seçilir... *(10 may - Heydər Əliyev, 20 may - Balzak, Volfqanq Borxert, italyalı arxitektor Donato Bramante və s. ) Gülağa Tənhanın yaradıcılığına nəzər salanda aydın şəkildə sevgidən yoğurulmuş vətən eşqinin şahidi oluruq və bu da gördüyü xeyriyyə işlərində öz əksini tapır. Nəzər salsaq görəcəyik, Allah hər bir insana fərqli bacarıqlar verir, odur ki, məhz insan özü mütləq həqiqəti axtarmalı olduğu kimi öz bacarığını da tapmalıdır. Gülağa Tənha bacarıqlarını kəşf etmiş adamdır. - Həyat imtahandır, sınaqdır... Təbiətdə yaradılan hər nə varsa insan üçün yaradılıb və bu gözəlliyi, kodlaşdırılmış həyat həqiqətlərini görən şəxs yaradıcılığa köklənir və duyduğu kimi əxz edir. İnsan niyə xeyriyyəçilik etsin?!... - Axı sevindirmək, təbəssüm yaratmaq insanın özünü də xoşbəxt edəcək hissdir. Bu həm də məsuliyyət, böyük qüvvənin sənə verdiyi ruzinin düzgün tədbiqi deyilir. Mübaliğəsiz qeyd edirik, Gülağa Tənha bütün yaradıcılığı, xeyriyyə işləri ilə sadalanan məsələlərə çox diqqət və həssaslıqla yanaşır. - Söhbətlərimizin birində tənhalığından söhbət açanda içimdə böyük bir sual yaranmışdır: ətrafında bu qədər insan olan iş adamı, niyə tənha olsun ki?!... İçimizdə yaranan sualı zaman yaşadaraq cavab verdi və o zaman yer üzünün bütün təhna adamlarını qucaqlayıb hönkür-hönkür ağlamaq istəmişdim. Başa düşdüm ki, şair, həyatdan, dostlarından, inandığı və inanmaq istədiyi adamlardan aldığı zərbələrdən tənhalaşmışdı. Bu məqamda isə dadına yaradıcılıq çatıb. Qəlbləri sevindirən, yetimlərə əl tutan böyük qəlb sahibi Gülağa Tənhanı bu dəfə biz, diqqət göstərib sevindirmək istədik. Sürətlə inkişaf etmiş dövrdə səmimi deyilmiş xoş söz nadir incilərdəndir, ən qiymətli hədiyyə isə sidq ürəkdən edilən dua və bu duaya layiq olan insandır. Allahdan Sizə can sağlığı, fəaliyyətinizdə uğur, sevgi və ruzi - bərəkət diləyirik, diləyirik ətrafınızda daim sadiq dostlar, yoldaşlar olsun, olsun ki, daha da qüvvətli, inamlı tarixin yaddaşına yazılacaq işlər görəsiniz... Hörmətlə... p.s: Gülağa Tənhanın yaradıcılığı, poeziyası, gördüyü işlər o qədər geniş və əhatəlidir ki, gələcəkdə də xeyriyyəçi - şairin yaradıcılığına nəzər salıb, fikir bildirəcəyik. 20 may 2019 cı il
Bütün hüquqlar qorunur © 2024