Təqvim
Pekində Çin və Azərbaycan elmi tərəfdaşlığına dair konfrans keçirilib (+FOTO)
16 may 2019 - 14:19

 Canveten.az xəbər verir ki, mayın 14-də Çinin paytaxtı Pekində “Çin və Azərbaycan tərəfdaşlığı: yeni imkanlar və çağırışlar” mövzusunda beynəlxalq konfrans keçirilib. Tədbirin təşkilatçıları Çin Sosial Elmlər Akademiyası (ÇSEA) və AMEA-dır.

Beynəlxalq forumda çinli alimlərlə yanaşı, AMEA-nın prezidenti, akademik Akif Əlizadə, AMEA-nın vitse-prezidenti, akademik İsa Həbibbəyli, AMEA Rəyasət Heyəti aparatının Beynəlxalq əlaqələr idarəsinin rəisi, b.ü.f.d. Esmira Əlirzayeva, İqtisadiyyat İnstitutunun direktoru, professor Nazim İmanov, institutun elmi katibi, i.ü.f.d. Rəsmiyyə Abdullayeva, şöbə müdiri, i.ü.f.d. Leyli Allahverdiyeva və aparıcı elmi işçi Aqil Eyvazov iştirak ediblər.  

Tədbirdə Çin və Azərbaycan arasında iqtisadiyyat sahəsində tərəfdaşlıq, yeni imkanlar, elm sahəsində əlaqələrin daha da genişləndirilməsi məsələləri üzrə müzakirələr aparılıb.

Tədbirdə Nazim İmanov “Ölkələrin iqtisadi modellər üzrə təsnifləşdirilməsi”, Rəsmiyyə Abdullayeva “Azərbaycanda sosial müdafiə sisteminin dövlət tənzimlənməsi”, Leyli Allahverdiyeva “Şəbəkə hazırlığı indeksi: xarici ticarətin liberallıq dərəcəsindən asılılığı və iqtisadi əhəmiyyəti”, Aqil Eyvazov isə “Azərbaycanda iqtisadi islahatlar, biznes mühiti və investisiya imkanları” mövzusunda məruzələrlə çıxış ediblər.

Məruzələr ətrafında geniş müzakirələr aparılıb.

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

                              

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )

                                    

Sosial şəbəkələrdə paylaş:

Bütün hüquqlar qorunur © 2024

Haqqıımızda | Saytda reklam | Bizimlə əlaqə