Təqvim
Prezident İlham Əliyev ulu öndər Heydər Əliyevin doğum gününə həsr olunan ağacəkmə aksiyasında iştirak edib (+FOTOLAR)
10 may 2019 - 16:55

Mayın 10-da Azərbaycan Respublikasının Prezidenti İlham Əliyev, birinci xanım Mehriban Əliyeva və ailə üzvləri Zığ dairəsi-Heydər Əliyev Beynəlxalq Aeroportu avtomobil yolunun 28-ci kilometrliyində salınan yaşıllıq sahəsində ulu öndər Heydər Əliyevin doğum gününə həsr olunan ağacəkmə kampaniyasında iştirak ediblər.

Ekologiya və təbii sərvətlər naziri Muxtar Babayev “Keçmiş yod-brom zavodunun çirklənmiş ərazilərinin təmizlənməsi” və “Heydər Əliyev Beynəlxalq Aeroportunun yaxınlığındakı çirklənmiş ərazilərin təmizlənməsi” layihələri barədə Prezident İlham Əliyevə məlumat verdi.

Qeyd edək ki, dövlətimizin başçısının tapşırığına əsasən Suraxanı rayonunda keçmiş yod-brom zavodunun ərazisində lay suları, duz, yod və digər tullantılarla çirklənmiş 67 hektar sahənin təmizlənərək bərpa edilməsi, kollektor-drenaj sisteminin qurulması işləri uğurla icra olunub. Ümumilikdə, indiyədək bu ərazidə yerli iqlim şəraitinə uyğun 50 mindən çox müxtəlif növ ağac əkilərək böyük yaşıllıq zolağı salınıb.

Prezident İlham Əliyev, birinci xanım Mehriban Əliyeva və ailə üzvləri ərazidə ağac əkdilər.

Ulu öndər Heydər Əliyevin anadan olmasının 96–cı ildönümü münasibətilə keçirilən ağacəkmə aksiyasında 4 hektar ərazidə, ümumilikdə, 3250 ağac əkildi. Ağaclar əraziyə çəkilmiş müasir, avtomatlaşdırılmış damcılı suvarma sistemi vasitəsilə suvarılır. Suvarma üçün su isə Hövsan Aerasiya Stansiyasından götürülür və təmizləyici qurğularda təmizləndikdən sonra suvarmaya ötürülür. Damcılı suvarma sisteminin elektrik enerjisi ilə təchizatı Suraxanı Günəş Elektrik Stansiyası hesabına təmin ediləcək.

Prezident İlham Əliyev və birinci xanım Mehriban Əliyeva aksiyada iştirak edən gənclərlə görüşdülər. Dövlətimizin başçısı gənclərə ekoloji durumun yaxşılaşdırılması ilə bağlı gördüyü işlərə görə təşəkkürünü bildirdi. Azərbaycan gənclərinin çox önəmli sosial-ekoloji layihələr icra etdiyini deyən dövlətimizin başçısı Bakının daha da gözəlləşdiyini, yaşıllaşdığını vurğuladı.

Azərbaycan dövləti ekologiyanın və ətraf mühitin mühafizəsi məsələsinə həmişə xüsusi diqqətlə yanaşır. Ölkəmizin zəngin flora və faunasının qorunması, ekoloji durumun daha da yaxşılaşdırılması, Bakının yaşıllıqlar şəhərinə çevrilməsi istiqamətində ulu öndər Heydər Əliyev bütün dövrlərdə çox böyük işlər görüb. Ümummilli Liderin əsasını qoyduğu ənənə bu gün Prezident İlham Əliyev tərəfindən ardıcıl şəkildə davam etdirilir. Təsadüfi deyil ki, Azərbaycanda reallaşdırılan milli inkişaf strategiyasının prioritet sahələrindən biri də ətraf mühitin mühafizəsini, həmçinin insanların sağlam təbii şəraitdə yaşamasını ən yüksək səviyyədə təmin etməkdir. Dövlətimizin başçısı tərəfindən 2010-cu ilin ölkədə “Ekologiya ili” elan edilməsi isə bunun bariz nümunəsi olmaqla yanaşı, bir daha sübut edir ki, Azərbaycanda ekoloji siyasətə xüsusi diqqət ayrılır.

Prezident İlham Əliyev neftlə və digər istehsalat tullantıları ilə çirklənmiş ərazilərin, lay suları altında qalan torpaqların ekoloji vəziyyətinin yaxşılaşdırılmasına da xüsusi diqqətlə yanaşıb. Əhalinin ekoloji cəhətdən təmiz su ilə təminatının yaxşılaşdırılması ilə bağlı ölkədə ciddi əməli işlər görülüb, milyonlarla ağac əkilib, yeni park və xiyabanlar salınıb, yaşıllıqların miqyası isə ildən-ilə daha da artırılıb. Bütün bu məqsədyönlü layihələr ətraf mühitin qorunmasına, xüsusilə də vətəndaşların sağlam mühitdə yaşamasına xidmət edir.

Birinci xanım Mehriban Əliyevanın rəhbərlik etdiyi Heydər Əliyev Fondu da ölkəmizdə yeni yaşıllıqların salınmasına və mövcud yaşıllıq sahələrinin qorunmasına xüsusi diqqət yetirir. Bu məsələdə Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyevanın təşəbbüsü və dəstəyi ilə həyata keçirilən layihələrin də mühüm rolu var.

Müxtəlif vaxtlarda icra olunan ekoloji layihələr Azərbaycanın bütün regionlarını əhatə etməklə, ümumilikdə ölkəmizin ekoloji vəziyyətinin sağlamlaşdırılmasına böyük töhfələr verir.

Bu gün Azərbaycanın hər yerində vətəndaşların iştirakı ilə ağacəkmə aksiyaları keçirilir. Bu işlərin görülməsində, yaşıllıqların salınmasında, şəhərlərimizdə və rayonlarımızda təmizlik işlərində hər bir sakin fəal iştirakı ilə seçilir. Təsadüfi deyil ki, hazırda Azərbaycanda ekologiyanın qorunması, əhalinin sağlamlığının təmin edilməsi istiqamətində görülən işlər bir çox ölkələrə nümunədir.

Sosial şəbəkələrdə paylaş:
Kateqoriya:
XARİCİ ƏLAQƏLƏR
“Azərsu” tərəfindən Cəbrayıl rayonundan olan məcburi köçkünlərin içməli su təchizatının yaxşılaşdırılması layihəsi icra edilir (+FOTOLAR) 23:24, 16 iyul 2019
Rəsədxanada "Kosmos Yay festivalı" keçirilib (+FOTOLAR) 23:11, 16 iyul 2019
Kənd yaşıl turizmin təbliği istiqamətində Quba və Xaçmaz rayonlarına İNFOTUR təşkil edilib (+FOTOLAR) 23:02, 16 iyul 2019
Akademik V.Lukyanenko: HEYDƏR ƏLİYEV XALQINI ÜRƏKDƏN SEVƏN ƏSL VƏTƏNPƏRVƏR İDİ (+FOTOLAR)22:45, 16 iyul 2019
Ermənilər qədim gürcü kilsəsindən tövlə kimi istifadə edərək təhqir edirlər 22:36, 16 iyul 2019
Azərbaycan tarixinin Heydər Əliyev erası: əsrlərə bərabər 50 il - FOTOKOMPOZİSİYA13:41, 16 iyul 2019
Gülağa Tənha " O, getmədi..." (+ViDEO)10:57, 16 iyul 2019
Renka suyun altında fotosessiya etdirdi (+FOTOLAR)16:37, 15 iyul 2019
"Planet" verilişinin növbəti buraxılışı... (+ViDEO)14:30, 15 iyul 2019
Gülağa Tənha - " Dönməyir xatirən öz inadından" (+ViDEO)13:24, 15 iyul 2019
Xəzərdə harada çimmək olmaz? 11:35, 15 iyul 2019
“NAXÇIVAN MUXTAR RESPUBLİKASININ COĞRAFİYASI” İKİCİLDLİYİNİN TƏQDİMATI KEÇİRİLİB (+FOTOLAR) 16:55, 13 iyul 2019
Azərbaycan Avtomobil Yolları Dövlət Agentliyinin əməkdaşları Fəxri xiyabana gələrək ulu öndəriun xatirəsini yad edib (+FOTOLAR) 16:29, 13 iyul 2019
Əli Həsənov: "Bu gün dinamik inkişaf edən, region və dünya siyasətində dəst-xətti ilə seçilən müasir Azərbaycan Heydər Əliyevin yadigarı və şah əsəridir" 14:38, 13 iyul 2019
Gülağa Tənha " Səninlə gedəcəyik "... (+VİDEO)10:26, 13 iyul 2019
İordaniya parlamentinin deputatları Mərkəzi Elmi Kitabxananı ziyarət ediblər (+FOTO)20:25, 11 iyul 2019
Kütləvi informasiya vasitələri nümayəndələrinin Kür su təmizləyici qurğular kompleksinə səfəri təşkil olunub (+FOTOLAR)20:20, 11 iyul 2019
Dövlət Gömrük Komitəsinin Akademiyası “Məzun Günü” keçirib (+FOTOLAR)12:57, 11 iyul 2019
Dövlət Protokolu İdarəsinin rəisi səfir Pərvin Mirzəzadə Gürcüstanın Gəncə şəhərinə təyin edilmiş yeni baş konsulunu qəbul edib 12:52, 11 iyul 2019
AzTU və Daxili İşlər Nazirliyinin Polis Akademiyası arasında elm və təhsil sahələrində əməkdaşlıq müqaviləsi imzalanıb (+FOTOLAR)12:46, 11 iyul 2019
 

Bütün hüquqlar qorunur © 2019

Haqqıımızda | Saytda reklam | Bizimlə əlaqə