Canveten.az xəbər verir ki, 1 mart 2019-cu il tarixində Macarıstanın Azərbaycandakı Səfirliyinin Mədəniyyət məsələləri üzrə attaşesi Mixail Qruber, Macarıstanın İştvan Bokşay adına Reformator Təhsili Mərkəzinin direktoru Papp Kornel və F. List adına Musiqi Akademiyasının müəllimi,tuba ifaçısı Kovacs Zalan Ü.Hacıbəyli adına Bakı Musiqi Akademiyasının qonağı olublar. Qonaqlar BMA-nın Beynəlxalq əlaqələr üzrə prorektoru, Xalq artisti, professor Yeganə Axundova ilə görüşüblər.

Görüşdə Azərbaycan və Macarıstan arasında mədəniyyət sahəsində möhkəm əməkdaşlıq münasibətləri müzakirə edilib. Həmçinin, Papp Kornel direktoru olduğu Mərkəzin fəaliyyət istiqamətləri haqqında ətraflı məlumat verib və gələcək əməkdaşlığın mümkün perspektivləri haqqında söhbət aparılıb.

Daha sonra isə Kovacs Zalan Bakı Musiqi Akademiyasının və Musiqi Kollecinin İfaçılıq fakültəsinin tuba ixtisası üzrə təhsil alan tələbələri ilə ustad dərsi keçirib. Ustad dərsində BMA-nın müəllim və tələbə heyəti iştirak edib.

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )