Təqvim
Avtomobili rəsmi rüsumla qeydiyyatdan keçirmək – İZAHAT
01 noyabr 2018 - 14:48

Son vaxtlar avtomobillərin qeydiyyatı ilə bağlı qanuni rüsumlardan 2-3 dəfə artıq pul tələb edilməsi ilə bağlı şikayətlər artıb. Bu yazı DYP-də avtomaşınların özəlləşdirilməsi ilə bağlıdır.

Beləliklə, avtomonilin qeydiyyata alınması vəya qeydiyyatının dəyişdirilməsi proseduru tam olaraq qeyd edəcəyik.

 

Prosedur-1

Hazırda mövcud dəyişikliklərə uyğun olaraq maşınları orta cərgədən deyil 1 və 3-cü cərgələrdən keçməyə məcbur edirlər. Əgər sizdə cari ilin texniki baxışı varsa, bu cərgələrin hansısa birindən keçin. Burada sizin avtomobilin ban və mühərrik nömrələri (əgər varsa) tutuşdurulacaq. Həmçinin, avtomobildə olan nasazlıqlar vərəqini sizə təqdim edəcəklər və texniki pasportun üzərini yazacaqlar. Nasazlıqlar vərəqini cibinizdə saxlayın və digər prosedura keçin.

 

Prosedur -2

Üzəri yazılmış texniki pasport və etibarnamə ilə yaxınlaşırsız 3-cü otağa. Burada siz onlardan alqı-satqı müqaviləsi tələb edirsiz. Maşını özəlləsdirəcək şəxsin əlaqə nömrəsi və pasportunu təqdim edirsiz. Daha sonra sizi həmin otaqda sağ tərəfdə digər işci qəbul edəcək və maşının radar və cərimələrini yoxlayacaq. Daha sonra sizi 1-ci otağa yönləndirəcəklər, bu zaman isə maşnın hər hansı bir məhkəmə prosesində olub olmadığı yoxlanılacaq.

Qeyd: Bu otaqlarda sizdən hər hansı bir ödəniş etmək tələb olunsa, mütləq şəkildə həmən məbləği banka ödəyəcəyinizi bildirin.

 

Prosedur-3

Bu prosedurda siz rayonlar üzrə ayrılmış otaqlara yaxınlaşacaqsız. Burada sizi (kapitan, mayor, baş leytenant) rütbəli polis zabiti və köməkçisi qarşılayacaq. Avtomobilinizin istehsal ili və mühərrik həcminə görə rüsüm hesablanacaq və siz təkrarən bu rüsumu ödəmək üçün yaxınlaşacaqsız Azərbaycan Beynəlxalq Bankına və ya NBC banka (3-cu cərgənin axirinda solda).

Ödəyəndən sonra yenidən yaxınlaşacaqsız həminn otağa. Burda siz və maşın sahibi bəzi sənədlərə qol çəkəcək. Daha sonra otağı tərk edəcəksiz.

 

Prosedur-4

3-cü proseduru keçəndən sonra, sizdən xahiş olunacaq ki, gözləmə zalında gözləyəsiniz.30-35-dəqiqə ərzində sizin adınız çəkiləcək və siz yeni Texniki Pasportu alacaqsınız. Əgər sizdən əlavə hər hansı ödəniş tələb olunsa bu zaman banka ödəyəcəyinizi bildirin və ya qəbz tələb edin.

 

Qeydlər

1) Əgər sizin avtomobildə hər hansı ödənilməmiş cərimə varsa mütləq ödəyin və ya orda sizin 403-cü otağa yaxınlaşmanız tələb olunacaq. Cərimələr qərarsız olsa belə ödəniş tələb olunacaq. Qanunda olan bəz dəyişikliklərə uyğun olaraq əgər siz maşınını özəlləşdirəcəyiniz şəxs bu cərimələrdən imtina etmirsə özəlləşmə əməliyyatı davam edə bilər. Ancaq bu cox uzun prosesdir. Müəyyən yerlərə məktublar yazılmalıdır.

 

2) Əgər sizin maşın bankda olub və bankı ödənilibsə, bu zaman siz əlavə olaraq 5-ci otağa yaxınlaşmalısınız. Bankın təmizlik haqqında kağızı mütləq olmalıdır. Həmçinin, bank bu kağızın nüsxəsini DYP-yə göndərməlidir. Əgər sizdən əlavə olaraq ödəniş tələb olunarsa, banka ödəyəcəyinizi bildirin.

 

3) Maşında tibb çantasının, qəza nişanının və yanğın söndürən dəstinin olması vacibdir.

 

4) Əgər maşında hər hansi məhdudiyyət varsa 301-ci otağa yaxinlaşmalısız.

 

5) Əgər generalni davernost öz adınızdadırsa, siz maşını özəlləşdirmək istəyirsizsə bu zaman özünüzdən əlavə 2 nəfərə etibarnamə verməlisiz. Belə ki, sizin adınız etibarnamədə qala bilməz.

 

6) Mühərrikin hər kub sm-ə görə;

 

0-2000 kub - 0.05man

0-3000 kub – 100 man +(2001-3000 kub hər kub sm- 0.1man (əmsal))

0-4000 kub - 200man + (3001-4000 kub hər kub sm 0.2man (əmsal))

0-5000 kub – 400 man + (4001-5000 kub hər kub sm 0.3man (əmsal))

5000 kub dan yuxarı - 1500man

 

Bunlardan əlavə olaraq buraxılış illərinə görə də əmsallar yuxarıdakı hesabatdan alınan nəticəyə vurulur;

 

0-4 ilə qədər əmsal- 1

4-10 ilə qədər əmsal- 0.8

10 ildən çox əmsal-0.3

 

Məsələn : 2400 kub sm mühərrikli  2007 buraxılış “Hyundai Sonata” üçün 41,97 manat təşkil edəcək.  ((100+ (2001 2400) x 0.1)) x 0.3 = ((100+(399×0.1)) × 0.3=(100+39.9) × 0.3=139.9 × 0.3 = 41.97 man

Bundan əlavə, siz 25 manat texpasport-a görə rüsüm ödəyirsiz.  Yəni, 41.97+25=66.97 manat.

Qeyd: Əgər nömrəni də dəyişsəniz, əlavə olaraq 35 manat da ödəməlisiz. Yəni, 66.97+35= 101.97 manat.

7) Əgər sizdən hər hansı otaqda texniki baxışda çıxmış nasazlığa görə qeydiyyatı dayandırmağı tələb etsələr, yerindəcə 102-yə şikayət edin, daha sonra həmin binada 3-cü mərtəbədə dəftərxanaya yazılı şikayət edin. Hazırki qanunlarımıza görə texniki baxışda yaranmış problemə görə nəinki qeydiyyatı, heç texniki baxışın özünü də dayandıra bilməzlər.

 

Qeyd: 31 İyul 2018-ci ildə qəbul olunmuş yeni qanuna əsasən yazılmışdır.

http://dyp.gov.az/

https://mia.gov.az/

Sosial şəbəkələrdə paylaş:
Mənbə:
© FED
Kateqoriya:
PREZİDENT
Gülağa Tənha Keçmişi unutmaq olmaz!12:35, 19 yanvar 2021
Gülağa Tənha "Cavab beş" müsahibəsi13:21, 18 yanvar 2021
“ASAN xidmət”dən Qələbəni bizə yaşadanlar üçün xüsusi xidmət 22:25, 17 yanvar 2021
BDU-nun jurnalistika fakültəsinin tələbəsi Əsgər İsmayılov yazır: Xatirimizdə "Yaddaş muzeyi" olaraq yaşayacaq şəkil... 22:11, 17 yanvar 2021
Hərbi əməliyyatlar zamanı xəsarət almış hərbi qulluqçuların tibbi-sosial ekspertizasının operativ, keyfiyyətlə və mərkəzləşmiş şəkildə aparılması üçün komissiya yaradıldı 21:53, 17 yanvar 2021
Vaksinasiyadan imtina edənləri hansı cəza gözləyir? - TƏBİB-dən AÇIQLAMA 19:55, 17 yanvar 2021
Azərbaycanda xüsusi karantin rejimi BU TARİXƏDƏK uzadıldı 19:51, 17 yanvar 2021
Məktəblərlə bağlı VACİB AÇIQLAMA 19:30, 17 yanvar 2021
Karantin rejimilə bağlı NƏ DƏYİŞDİ? - İZAH 19:24, 17 yanvar 2021
Azərbaycan təsəvvür edə bilməyəcəyimiz bir mövqeyə sahib oldu - Deputat 18:31, 17 yanvar 2021
Deputat Azay Guliyev: Prezident İlham Əliyevin islam və xristian dünyasına Şuşadan verdiyi mesaj barədə yazıb 18:13, 17 yanvar 2021
Gülağa Tənha Qərar qəbul etmə prinsipi və...14:30, 17 yanvar 2021
Səhiyyə Nazirliyi: Vaksin təhlükəsizdir 20:12, 16 yanvar 2021
Gürcüstanda iki nəfəri girov götürən keçmiş polis əməkdaşı saxlanılıb 20:07, 16 yanvar 2021
Azərbaycanda yanvarın 18-dən vaksinasiya başlayır - İlk olaraq ONLARA vaksin vurulacaq 19:44, 16 yanvar 2021
Şuşada vaksinlərin saxlanma məntəqələri qurulur 19:37, 16 yanvar 2021
Bu sahələrin fəaliyyəti bərpa olunur - SİYAHI 19:00, 16 yanvar 2021
Yaqut Qarayeva: Hazırda bu şəxslərin vaksinasiyasına ehtiyac yoxdur - Müsahibə 18:49, 16 yanvar 2021
Hərəkətsizlik və həzm prosesinin düzgün getməməsi uşaqlarda piylənməyə səbəb olur 16:02, 16 yanvar 2021
Ölümlə mistik əlaqə: Saatlardakı ürkütücü müəmma... 13:51, 16 yanvar 2021
 

Bütün hüquqlar qorunur © 2021

Haqqıımızda | Saytda reklam | Bizimlə əlaqə