Təqvim
"Gübrəni torpağa vermək əvəzinə, "qara bazar"da satırlar"
31 oktyabr 2018 - 17:00

 “Kənd Təsərrüfatı Nazirliyi yanında “Aqrolizinq” ASC ölkəyə mineral gübrələrin gətirilməsi prosesini tədricən özəl sektora həvalə etmək və bu bazardan çəkilmək niyyətindədir”.

BI xəbər verir ki, bunu Azərbaycana gübrə idxal edən şirkətlərin nümayəndələri ilə görüşdə qurumun sədri Seymur Mövlayev deyib.

Son günlər gübrə bazarında yaranan problemlər barədə danışan “Aqrolizinq”in rəhbəri bildirib ki, hazırda ölkəyə gübrə idxalının əksər hissəsini özəl şirkətlər həyata keçirir və səhmdar cəmiyyəti güzəştli qiymətlərlə fermerlərə satdığı gübrəni əksər hallarda özəl şirkətlərdən alır: “Özəl şirkətlərin ölkəyə gübrə gətirməsində aktivlik göstərməməsi nəticə etibarilə müəyyən problemlərin yaranmasına gətirib çıxarır. Biz “Aqrolizinq” olaraq tədricən gübrə bazarını özəl şirkətlərin ixtiyarına verməyə hazırlaşırıq. Şirkətlərə göstərdiyimiz bu münasibət onların bazarda mövqelərini gücləndirmək üçün stimul rolunu oynamalıdır”.

S.Mövlayev “Aqrolizinq”in xətti ilə gətirilən gübrənin qara bazarda baha satılması xəbərlərinə də münasibət bildirib: “Bununla bağlı vətəndaşlardan “Çağrı Mərkəzi”mizə daxil olan müraciətlərin hamısı dərhal daxili nəzarət şöbəmizin əməkdaşları tərəfindən araşdırılır. Əksər hallarda məlum olur ki, vətəndaş bizdən 70% güzəştlə aldığı gübrəni torpağa vermək əvəzinə anbarda saxlayır və bazarda tələbat artan zaman baha qiymətə satır. Nəticə etibarilə cəmiyyətdə “Aqrolizinq” gübrəni fermerlərə güzəştli qiymətlərlə satmaq əvəzinə bazarda satdırır” kimi yanlış fikirlər formalaşır. Təəssüf ki, vətəndaşların gübrəni güzəştli qiymətlərlə alaraq, bazar qiymətinə satmasının qarşısını almaq üçün hər hansı bir mexanizm yoxdur”.

O, hər il ölkədə mineral gübrələrə ehtiyacın artdığını nəzərə çatdırıb: “Aqrolizinq” 2016-cı ildə Azərbaycana 26,8 mln. manat dəyərində 73 ton, 2017-ci ildə 44,4 mln. manat dəyərində 65,5 min ton, bu il isə 106,07 mln. manat dəyərində 175 min ton müxtəlif növ mineral gübrələrin gətirilməsi üçün müqavilələr bağlanıb. Bu günə kimi artıq 146 min ton gübrə gətirilərək fermerlərin müraciəti əsasında 70% güzəştlə onlara verilib. Gördüyünüz kimi tələbat hər il artır, bu səbəbdən bəzən ehtiyacların qarşılanmasında problemlərin yaranması təbiidir. Amma yenə də qeyd etmək istəyirəm ki, “Aqrolizinq” bu bazarda tək deyil, bizimlə eyni zamanda gübrə bazarında özəl şirkətlər də var. Biz gübrə idxalı məsələsini tam şəkildə özəl şirkətlərə həvalə etməklə onların ölkəyə gübrə gətirilməsində marağını daha da artırmış olarıq”.

“Aqrolizinq” rəhbəri özəl şirkətlərin təkcə bu il ölkəyə 145,7 min ton gübrə idxalı həyata keçiridiyini açıqlayıb: “Göründüyü kimi, gübrəyə olan tələbatın ödənilməsi üçün ölkəyə dövlət və özəl sektor xətti ilə kifayət qədər mineral gübrə gətirilib. Bu baxımdan gübrə çatışmazlığı ilə bağlı söhbətlərin ciddi əsası yoxdur. Araşdırmalarımız göstərir ki, bəzi hallarda fermerlər dövlətin gübrəni onlara pulsuz verməli olduğunu düşünürlər. Elə hallar da var ki, fermer güzəştli gübrə almaq üçün lazım olan sənədləri təqdim etmir. Gübrənin güzəştli qiymətlərlə satılması üçün tələb olunan sənədlər var, bu sənədləri təqdim edən şəxslər heç bir problem olmadan dövlətin güzəşt siyasətindən yararlana bilərlər”.

Görüşdə Kənd Təsərrüfatı Nazirliyinin bitkiçilik şöbəsinin müdiri Rafail Quliyev çıxış edərək bildirib ki, fermerlərin güzəştli şərtlərlə gübrə ala bilməməsinin əsas səbəblərindən biri torpaq üzərində mülkiyyət hüququnu təsdiqləyən sənədlərinin olmamasıdır. O, fermerləri ilk növbədə tələb olunan sənədləri qaydaya salmağa, yalnız bundan sonra güzəştli gübrə almaq üçün “Aqrolizinq”ə müraciət etməyə çağırıb.

Görüşdə çıxış edən şirkət təmsilçiləri ölkəyə gübrə gətirilməsi ilə bağlı problemlər barədə danışıb, “Aqrolizinq”in gübrə idxalı funksiyasını tədrinə özəl sektora verməsinin üstün və mənfi cəhətləri barədə fikir mübadiləsi aparıb, təkliflərini səsləndiriblər. 

Sosial şəbəkələrdə paylaş:
Müəllif:
Kateqoriya:
Aqrar
Kişini elektrik cərəyanı vuraraq öldürüb 16:18, 21 may 2022
Əli Əsədov lotereya və idman mərc oyunları təşkilatçıları ilə bağlı qərar imzaladı 16:15, 21 may 2022
Bayden Ukraynaya 40 milyardlıq yardım paketini İMZALADI 16:12, 21 may 2022
200 kəsiri olan tələbəni məhkəməyə verdilər 13:58, 21 may 2022
ALLAH ADAMI13:27, 21 may 2022
Ermənistan Prezidenti İsveçrəyə getdi 12:45, 21 may 2022
İlham Əliyev və Nikol Paşinyanın Brüsseldə görüşü keçiriləcək 18:59, 20 may 2022
Gülağa Tənha - Ölkənin birnci şəxslərinin sərəf və ləyaqətinə hörmətdən danışdı 18:40, 20 may 2022
Dünyanın ən bahalı avtomobili satıldı 18:37, 20 may 2022
ÜST “Meymun çiçəyi”nə görə təcili toplanır 18:35, 20 may 2022
Əli Əsədov: "Bakı İrəvandan öhdəliklərin yerinə yetirilməsini gözləyir" 18:26, 20 may 2022
İlham Əliyev ICESCO-nun Baş direktorunu qəbul edib 13:36, 20 may 2022
Rusiyada 12 hərbi komissarlıq yandırılıb 19:07, 19 may 2022
İran Prezidenti İlham Əliyevi səfərə dəvət ETDİ19:04, 19 may 2022
Əlillik bu hallarda müddətsiz müəyyən ediləcək - QƏRAR17:44, 19 may 2022
Gülağa Qənbərov : Əli İnsanov , Sizin " Heydər Əliyev Fondu " sözünü dilə gətirməyə mənəvi haqqınız yoxdur ! 17:22, 19 may 2022
İlham Əliyev Türkiyənin kənd təsərrüfatı və meşəçilik nazirinin başçılıq etdiyi nümayəndə heyətini qəbul edib 17:07, 19 may 2022
Azərbaycanda yeni publik hüquqi şəxs yaradılır - FƏRMAN12:53, 19 may 2022
Paşinyan Təhlükəsizlik Şurasının iclasını keçirdi 22:21, 18 may 2022
Nazirliyə yeni səlahiyyət verildi - FƏRMAN22:18, 18 may 2022
 

Bütün hüquqlar qorunur © 2022

Haqqıımızda | Saytda reklam | Bizimlə əlaqə