Təqvim
Masallılı tanınmış heykəltaraşın Bakıda sərgisi keçirilir
23 dekabr 2023 - 15:35

Masallılı tanınmış heykəltaraşın Bakıda sərgisi keçirilir

 

Bakı Müasir İncəsənət Muzeyində tanınmış heykəltaraş, Azərbaycan Rəssamlar İttifaqının üzvü, Azərbaycan Dövlət Rəssamlıq Akademiyasının müəllimi Rahib Qarayevin “Nağıl kimi” adlı fərdi sərgisi (22 dekabr-10 yanvar) keçirilir. 
Sərginin açılışında Xalq rəssamı, “Heydər Əliyev” ordeni laureatı, akademik Ömər Eldarov, Azərbaycan Rəssamlıq Akademiyasının rektoru, Xalq rəssamı Natiq Əliyev, Xalq rəssamı Fuad Salayev və digər tanınmış mədəniyyət nümayəndələri iştirak ediblər.
Sərgidə “Şəhər mövzulu”, “Təbii daşlarla sintez olunmuş”, “Heyvanlar aləmi” və “Müxtəlif” mövzuları üzrə altmış kompozisiya tamaşaçılara təqdim olunur. Sərgilənən əsərlər arasında təbii daşlar, keramika və mərmərlə bürünc sintez edilib.
Məlumat üçün bildirək ki, Rahib Arif oğlu Qarayev 8 aprel 1986-cı ildə Masallı rayonunun Qasımlı kəndində anadan olub. Orta təhsilini şəhid Hakim Həsənov adına Qasımlı və  Yeddioymaq kənd T.M.Bayraməlibəyov adına orta məktəblərində (1993-2004) alıb. İlk heykəltaraşlıq dərslərinə (2000-2008) doğma kənddə İlqar Balayevin emalatxanasında başlayıb. 2012-ci ildə Azərbaycan Dövlət Rəssamlıq Akademiyasının bakalavr pilləsini bitirdikdən sonra magistratura pilləsinə daxil olub. 2014-cü ildən Azərbaycan Dövlət Rəssamlıq Akademiyasının Heykəltaraşlıq kafedrasında müəllim kimi fəaliyyət göstərir. 2015-ci ildən Azərbaycan Rəssamlar İttifağının üzvüdür. 2009-cu ildə “Bir millət, iki dövlət”, “Amerika mənim gözümlə”, 2011-ci ildə Türkiyədə Memar Sinan Universtetində keçirilən simpoziumda, 2014-cü ildə “Lermontov”, “Əsrin müqaviləsi”, 2015-ci ildə “Xocalı”, “Tolerant Azərbaycan Gənci” adlı sərgilərdə iştirak edib.  2014-cü ildə keçirilən velosipedçilərə həsr olunmuş sərgidə ikinci mükafata sahib olub. 2016-cı ildə Aprel döyüşləri şəhidi Samir Kaçayevin memorial abidəsinin müəllifidir. Sovet İttifaqı Qəhrəmanı, general Həzi Aslanovun büstünü, Birinci Qarabağ müharibəsi qəhrəmanlarından Hakim Həsənovun və Rövşən Nəbiyevin, Azərbaycan Silahlı Qüvvələrinin şəhid mayoru, Vətən Müharibəsi Qəhrəmanı Amid Heydərovun büst və heykəlini hazırlayıb. Azərbaycanın yəhudi əsilli Milli Qəhrəmanı, Birinci Qarabağ Müharibəsi şəhidi Albert Aqarunova Bakı şəhərində qoyulmuş heykəlin müəlliflərindəndir.
Daim yenilik axtarışında olan istedadlı heykəltaraş Rahib Qarayevin 2012-ci ildən işlədiyi “Leonardo Da Vinci” adlı bakalavr diplom işi hazırda Azərbaycan Dövlət Rəssamlıq Akademiyasının Muzey Sərgi kompleksində nümayiş olunur. Həmçinin rəssamın 2014-cü ildə işlədiyi “Bəhruzbəy Kəngərli” adlı magistr diplom işi Naxçıvan şəhərindəki “Rəssamlar” parkında ucaldılıb. Heykəlin bir nümunəsi “Bəhruz Kəngərli” ev-muzeyinə hədiyyə edilib.

 

Akif AĞAYEV


 

Sosial şəbəkələrdə paylaş:
Kateqoriya:
İQTİSADİYYAT
Masallı güləşçiləri Bakıdan 11 medalla geri dönüb 19:07, 04 mart 2024
Təzə Alvadıda qaz xəttinin çəkilişi işlərinə baxış keçirilib - Masallıda 18:20, 29 fevral 2024
Əzizabad kəndində daha 17 ev təbii qazla təmin edilib - Masallıda 18:12, 29 fevral 2024
Masallılı voleybolçu yenidən ölkə yığmasına rəhbərlik edəcək 15:28, 28 fevral 2024
Xocalı soyqırımının 32-ci ildönümü Masallının təhsil müəssisələrində qeyd edilib 23:39, 26 fevral 2024
Xocalı soyqırımı qurbanlarının xatirəsi Masallıda böyük ehtiramla anılıb 22:00, 26 fevral 2024
...Xocalıya qayıdanacan 19:33, 25 fevral 2024
Fövqəladə hallar naziri Kəmaləddin Heydərov Masallı şəhərində vətəndaşları qəbul edib 12:45, 25 fevral 2024
Taekvondo üzrə ölkə kubokunun açılış mərasimi - Masallıda 21:29, 24 fevral 2024
“Xocalı naləsi” – Masallı Mədəniyyət Mərkəzinin səhnəsində 19:32, 23 fevral 2024
“Xocalı – qan yaddaşımız” – Masallıda tədbir 13:47, 23 fevral 2024
“Erkən nikahın fəsadları” – Masallıda maarifləndirici tədbir 15:41, 22 fevral 2024
Masallı məktəblərində Beynəlxalq Ana Dili Günü qeyd olunub 22:56, 21 fevral 2024
Məktəbliyə zorakılıq edən yeniyetmədən paylaşım: Vecimə də deyil... 01:24, 21 fevral 2024
Separatçılara son ittihamlar elan ediləcək 21:27, 20 fevral 2024
Mədəniyyətə xidmətdə keçən 46 il 22:07, 19 fevral 2024
Ağacəkmə aksiyası – Masallıda 17:49, 19 fevral 2024
QIR-SAQQIZ “MÜSAFİR”LƏR 18:34, 17 fevral 2024
Milli Qəhrəman Səfəralı Məmmədovun xatirəsi anılıb - Masallıda 19:25, 16 fevral 2024
“Biz sağlam həyatı seçirik” – Masallıda tədbir 19:12, 15 fevral 2024
 

Bütün hüquqlar qorunur © 2024

Haqqıımızda | Saytda reklam | Bizimlə əlaqə