Təqvim
Nəqliyyat, Rabitə və Yüksək Texnologiyalar Nazirliyinin nümayəndəsi UNESCAP-ın onlayn iclasında iştirak edib
23 may 2020 - 13:18

Birləşmiş Millətlər Təşkilatının Asiya və Sakit okean üzrə İqtisadi və Sosial Komissiyasının (UNESCAP) 76-cı iclası “COVID-19” pandemiyası səbəbindən videotədbir formatında keçirilib.
İclasda 51 üzv və 3 assosiativ üzv ölkənin nümayəndələri, eləcə də ESCAP katibliyinin və digər beynəlxalq təşkilat və qurumların rəsmiləri iştirak ediblər.

Azərbaycan tərəfini videotədbirdə Nəqliyyat, Rabitə və Yüksək Texnologiyalar Nazirliyinin nümayəndəsi Emil Əhmədov təmsil edib.

“Dayanıqlı inkişaf üçün okeanlarda iqtisadi, sosial və ətraf mühit üzrə əməkdaşlığın təşviqi” mövzusunda keçirilən iclasda dayanıqlı inkişaf erasında nəqliyyat və logistikanın təşviqi, nəqliyyat bağlantılarının inkişafı, informasiya-kommunikasiya texnologiyaları sahəsində üzv ölkələrdə görülən işlərə dair müzakirələr aparılıb.

“Qlobal səhiyyə böhranının sosial-iqtisadi nəticələrinin aradan qaldırılmasında regional əməkdaşlıq” adlı sessiyada ölkəmizdə “COVID-19” pandemiyasının sosial-iqtisadi nəticələrinin aradan qaldırılması istiqamətində həyata keçirilən tədbirlər barədə məlumat verilib. Eyni zamanda, Azərbaycan Respublikasının Prezidenti, Türkdilli Dövlətlərin Əməkdaşlıq Şurasının sədri cənab İlham Əliyevin təşəbbüsü ilə koronavirusla mübarizəyə dair cari ilin 10 aprel tarixində videokonfrans vasitəsilə keçirilmiş Türk Şurasının fövqəladə Zirvə görüşü və 4 may tarixində təşkil olunmuş Qoşulmama Hərəkatının Təmas Qrupu formatında Zirvə görüşü haqqında tədbir iştirakçıları ətraflı məlumatlandırılıb.

Həmçinin, “Asiya və Sakit Okean regionunun 2030-cu ilə qədər Davamlı İnkişafı üzrə Proqramın icrası” adlı sessiyada Azərbaycanda nəqliyyat sahəsində həyata keçirilən və ölkəmizin təşəbbüskarı olduğu beynəlxalq əhəmiyyətli layihələr ilə əlaqədar görülən işlər və əldə olunan nailiyyətlərdən söz açılıb. Azərbaycanın “Quru limanlar haqqında” Hökumətlərarası Sazişə müvafiq bəyanatla və qeyd-şərtlə qoşulması barədə danışılıb.

Tədbir zamanı təşkilatın 5 regional institutundan biri olan Asiya Sakit Okean Texnologiyaları Transfer Mərkəzinin İdarəetmə Şurasına namizədliyi irəli sürülən 10 ölkə (Banqladeş, Çin, İndoneziya, İran İslam Respublikası, Nepal, Pakistan, Koreya Respublikası, Şri-Lanka, Tailand, Özbəkistan) iclasın videokonfrans formatında keçirildiyi nəzərə alınaraq, gündəliyə əsasən ənənəvi gizli səsvermə yolu ilə deyil, iclas zamanı akklamasiya yolu ilə Şuraya seçilib.

Tədbirdə, həmçinin növbəti iclasın 2021-ci ilin 26-30 aprel tarixlərində Tailand Krallığının Banqkok şəhərində “Asiya – Sakit Okean bölgəsində regional əməkdaşlıq yolu ilə böhrandan sonrakı bərpa” mövzusunda keçirilməsinə dair qərar qəbul edilib.

Qeyd edək ki, Azərbaycan 1992-ci il 31 iyul tarixindən UNESCAP üzvüdür. Ölkəmiz komissiya çərçivəsində müxtəlif sahələrdə, o cümlədən nəqliyyat sahəsində həyata keçirilən bir sıra layihələrdə fəal iştirak edir, keçirilən tədbirlərdə daim təmsil olunur. Komissiya iqtisadi və sosial məsələləri müzakirə etmək və nəzərdən keçirmək, o cümlədən regional əməkdaşlığı gücləndirmək məqsədilə region dövlətləri üçün mühüm platforma rolunu oynayır.

Sosial şəbəkələrdə paylaş:
Kateqoriya:
SİYASƏT, TURİZM
Delimitasiya üçün Bakı və İrəvana xəritələr verə bilərik - Rusiya XİN 22:18, 06 dekabr 2023
Azərbaycana qarşı qərəzli siyasətdən əl çəkin - İcmadan tələb 12:22, 06 dekabr 2023
Gürcüstanın sabiq prezidenti Mixail Saakaşvili yenidən Ermənistanın baş naziri Nikol Paşinyana müraciət edib. 23:26, 05 dekabr 2023
ALLAH adamı-Gülağa Tənhanın təşəbbüsü ilə - EHTİYACI OLAN 100 ailəyə,100 azn23:11, 05 dekabr 2023
Qızılca xəstəliyinin yaratdığı FƏSADLAR 22:14, 05 dekabr 2023
“Qızılca virusu yalnız insanlarda xəstəlik törədir. Qızılcaya yoluxan şəxsı hava-damcı yolu ilə həssas insanları yoluxdurur”. 22:08, 05 dekabr 2023
Məktəblərdə mobil telefondan istifadə qadağan olundu 12:26, 05 dekabr 2023
Qızılcaya ən həssas qrup bu yaşa qədər olan uşaqlardır 21:59, 04 dekabr 2023
A vitamini çatmayan uşaqlarda qızılca daha ağır keçir 18:59, 04 dekabr 2023
GÜLAĞA TƏNHA: GƏLƏRSƏNMİ 12:31, 04 dekabr 2023
İlham Əliyev Dövlət Təhlükəsizliyi Xidmətinin yeni inzibati binalarının açılışında iştirak edib.14:36, 29 noyabr 2023
R.Mehdiyeva: Xeyriyyəçi iş adamı Gülağa Tənhadan daha bir xeyriyyə aksiyası01:32, 28 noyabr 2023
Növbəti köç karvanı Füzuli şəhərinə çatdı - FOTO 19:36, 27 noyabr 2023
Qızılca Bakıya çatdı: Tələbələr arasında yoluxma AŞKARLANDI 17:02, 27 noyabr 2023
İlham Əliyev cüdo üzrə milli komandalar üçün Təlim-Məşq Mərkəzində yaradılan şəraitlə tanış olub.15:32, 27 noyabr 2023
GÜLAĞA TƏNHA: DİLƏNÇİ 23:58, 26 noyabr 2023
Gizli kameraları necə aşkarlamaq olar... - VİDEO21:15, 23 noyabr 2023
İlham Əliyev SPECA ölkələrinin sərgisinin açılışında iştirak edib. (FOTO=10)16:44, 22 noyabr 2023
DİN-dən kiberdələduzluqla bağlı xəbərdarlıq 15:42, 22 noyabr 2023
İranda “mobil telefonlara nəzarət polisi” yaradılıb  15:12, 22 noyabr 2023
 

Bütün hüquqlar qorunur © 2023

Haqqıımızda | Saytda reklam | Bizimlə əlaqə