Lukaşenko Tixanovskayanın ərinin ölümünü təkzib etdi - Cəsədini göstərin!

Belarus prezidenti Aleksandr Lukaşenko prezidentliyə keçmiş namizəd Svetlana Tixanovskayanın həyat yoldaşı, həbsdə olan siyasətçi Sergey Tixanovskinin ölümü ilə bağlı yayılan xəbərləri saxta adlandırıb.

CAN VƏTƏN TASS-a istinadən xəbər verir ki, bundan əvvəl Tixanovskaya əri Sergeyin Jodzina həbsxanasında öldüyü barədə anonim mesaj aldığını bildirib.

Lukaşenkonun fikrincə, bu məlumat hansısa başqa mövzunu nəzərdən yayındırmaq üçün qəsdən hazırlanmış uydurmadır.

"Əgər bu doğrudursa, Tixanovskinin cəsədini göstərin", - o deyib.

Qeyd edək ki, Svetlana Tixanovskaya həbsdə olan həyat yoldaşının əvəzinə prezidentliyə namizədliyini irəli sürmüşdü.