Ukraynanın Dövlət İstintaq Bürosu (DİB) Ali Radanın deputatı Viktor Medvedçukun işi ilə bağlı ibtidai istintaqı başa çatdırıb. “Müxalifət Platforması - Həyat üçün” partiyasından olan deputat Viktor Medvedçukun işi ilə bağlı ittiham aktı məhkəməyə təqdim edilib. İş üzrə Viktor Medvedçuk dövlətə xəyanətdə və müharibə qanunlarını pozmaqda ittiham edilir. İstintaqın gəldiyi qənaətə görə, Viktor Medvedçuk Rusiya rəhbərliyinə Ukraynaya qarşı təxribat fəaliyyətinin həyata keçirilməsində yardım edib. Təqsirləndirilən şəxsi əmlakı müsadirə edilməklə 15 ilədək azadlıqdan məhrum etmə cəzasının gözlədiyi bildirilib.
Bütün hüquqlar qorunur © 2024