ABŞ Rusiya neft və qazından imtina etdikdən sonra Rusiya prezidenti Vladimir Putin danışıqlar masasına oturmağa məcbur olacaq.

Bunu Ukrayna daxili işlər nazirinin müşaviri Vadim Denisenko Facebook-da yazıb. O hesab edir ki, bu, yaxın 10 gün ərzində baş verə bilər.

"Biz dünya üçün çox vacib hala gəldik. İndi bütün dünya "qazın qiymətini necə endirmək olar" oyununu oynamaq məcburiyyətindədir və Ukrayna məsələsinin həllinin ən vacib elementlərdən biri də qazın qiymətinin aşağı salınmasının həllidir”, - deyə o bildirib.
"Rusiya Federasiyası Putinin öz avantürası ilə nə qədər irəli getdiyini başa düşməyə bilməz. Və məhsuldar danışıqlara məcbur edilməzdən əvvəl onlara ən azı bir növ qələbə lazımdır (əsas zərbə Mariupol və Kiyevdə nəsə etmək cəhdidir), "bizim vəzifəmiz qarşıdakı 7-10 gün ərzində sağ qalmaqdır. O zaman böyük ehtimalla Putin danışıqlar masası arxasına əyləşməyə məcbur olacaq. Və bu danışıqların nəticəsi nə olursa olsun, Rusiya qlobal dünyanın neft və qaz bazarından atılacaq”, - Denisenko yazıb.