Ukrayna şəhərləri rus hərbçilərinin cəsədləri ilə doludur, onları küçələrdən yığışdırmağa sadəcə vaxtları yoxdur, Rusiya Federasiyasının televiziya kanalları isə ekranlardan Ukraynadakı müharibə haqqında məlumat yayaraq, Rusiya tərəfinin real insan itkilərini gizlədirlər. “Dialoq.ua” yazır ki, çeçenlərin cəsədləri Belarusda yığılıb, onların anaları isə öz vətənlərində, Çeçenistanda, yas tutur. Bu məlumatı Belarus müxalifətinin nümayəndəsi Anna Krasulina da təsdiqləyib. “Mozır şəhərində (Belarusun Qomel vilayəti) bütün “morqlar” doludur, əksəriyyəti etnik çeçenlərin cəsədləridir, cəsədlərin uzun müddət saxlanması üçün göstərişlər verilib ki, Çeçenistanda Rusiya Silahlı Qüvvələrinin real itkiləri barədə məlumat yayılmasın", - Krasulina efirdə deyib. Daha əvvəl “kadırovçular” Ukraynanın işğalı zamanı Ukrayna Silahlı Qüvvələrinin mütəşəkkil və şiddətli müqaviməti ilə üzləşdiyi və özlərinin çətin vəziyyətdə olduqlarını bildirmişdilər. Onların tez bir zamanda məğlub olduqları, sağ qalanların isə geri çəkilməyə məcbur qaldıqları bildirilirdi.
Bütün hüquqlar qorunur © 2024