Ukraynanın müdafiə naziri Aleksey Reznikov Türkiyə prezidenti Rəcəb Tayyib Ərdoğanın səfəri ilə bağlı Ukrayna mətbuatına açıqlama verib. Reznikov bildirib ki, Ərdoğanın səfəri çərçivəsində Ukraynada "Bayraktar TB2" pilotsuz uçuş aparatının (PUA) istehsalı üçün fabrikin yaradılması ilə bağlı müqavilə imzalanacaq.

Reznikov açıqlamasında aşağıdakı ifadələrdən istifadə edib:

"Bu gün Türkiyə ilə yüksək hərbi texnologiyalar mövzusunda bəzi müqavilələr bağlayacağıq. Bunlardan biri "Bayraktar"ların Ukraynada istehsalıdır. Onlar Ukraynada istehsal olunacaq və pilotlar buradakı təlim mərkəzində təlim keçəcəklər".

Rezkinov, həmçinin, Ukrayna şirkətinin istehsal etdiyi mühərriklərin PUA-larda istifadə ediləcəyini və Ukraynada istehsal ediləcəyi üçün PUA-ların artıq "Türkiye-Ukrayna Bayraktarları" adlandırılacağını bildirib.