“Prezident İlham Əliyevin göstərişi ilə məcburi köçkünlər üçün inşa edilən mənzil və komplekslər həmin soydaşlarımızın dədə-baba torpaqlarına qayıdacaqlarını nəzərə alaraq, şəhid ailələri və müharibə əlilərinə veriləcək”.

Bu haqda Əmək və Əhalinin Sosial Müdafiəsi Nazirliyinin tabeliyindəki Sosial Xidmətlər Agentliyinin İdarə Heyəti sədrinin müavini Zaur İbrahimov məlumat verib.

“Həm şəhərdə, həm də bölgələrdə inşa edilən mənzillər tam təmirli və bütün zəruzi infrastrukturu tamamlanmış şəkildə təqdim edilir. Bu yaşayış komplekslərində uşaq bağçaları, məktəblər, klub icma mərkəzləri də inşa edilib və eyni zamanda onlar da təhvil verilib. Mənzil təqdim etdiyimiz yaşayış komplekslərində artıq məktəblər fəaliyyət göstərir”.