Təqvim
...adam istəyir, Səfər müəllimə (Gömrük Komitəsi)heykəl qoysun" - Razi Nurullayev təklıf edir
05 sentyabr 2020 - 14:27

“Bu o deməkdir ki, cənab Prezident müşavirədə desin ki, Gömrük Komitəsi daha çox vergi toplayıb. Sizin döşünüzə bir medal taxsınlar, vəzifənizi böyütsünlər”.
Azpress.Az xəbər verir ki, bunu Dövlət Gömrük Komitəsinin müzakirəyə səbəb olan, ictimai qınaqla qarşılanan qərarına münasibət bildirən Milli Cəbhə Partiyasının (MCP) sədri, deputat Razi Nurullayev deyib.
Razi Nurullayev istehza ilə bildirib ki, gömrük komitəsinin gətirdiyi arqumentlər o qədər sağlam və cəlbedicidir ki, adam istəyir, Səfər müəllimə heykəl qoysun:
“Deyir ki, "biz Avropa İttifaqı ölkələrində olduğu kimi, şəxsi istehlak üçün gətirilən malların istehlak bazarına daxil olmasının qarşısının alınması ilə bağlı yeni mexanizm hazırlanmasını təklif edirik". Səfər müəllim siz zəhmət olmasa birinci Azərbaycan xalqına Avropa İttifaqında olduğu kimi yaşayış, əmək haqqı, səhiyyə, təhsil və sosial hüquqlar təmin edin və sonra onlara oxşamağa çalışın.

1500 dollarlıq aylıq limit 800 dollara, poçt xidmətləri ilə birdəfəlik sifarişi 1000 dollardan 300 dollara endirmisiniz.
Səhv etmirəmsə, 2014-cü ildə Prezident sərəncam verdi və ölkəyə gətirilən məhsulların məbləği 10,000 manata qaldırıldı. Hamı bayram etdi ki, dolanışıq olacaq. Üstündən iki ay keçməmiş, manatı sizin kimi düşüncə sahibləri məhv etdi. Oğurluqlar milyardlarla ölüçülürdü və nəticədə manat can verdi. Məcburən iki ay öncə verilmiş Prezident sərəncamı dəyişdirldi. İnsanların ümidi qırıldı, gələcəyə inamı öldü. Siz isə ağır vəziyyəti daha da ağırlaşdırısınız, köhnə yaranı, didib qan çıxarırsınız. Nədir, xalqa qənim kəsilmisiniz?”

“Camaatın başı xarab olub ki, gedib İrandan, Türkiyədən, Gürcüstandan və Rusiyadan ərzaq alır, maşın alır, digər ehtiyacları olan məhsul və avadanlıqları alıb gətirir?” deyə deyə komitə sədrinə sual ünvanlayan deputat bildirib ki, əgər o, öz ölkəsində onları ucuz ala bilsəydi, dolanışığı olsaydı, niyə sərhədlərdə növbəyə dayanıb, gömrük işçiləri ilə sözləşə-sözləşə, şəxsiyyətini, ləyaqətini alçalda-alçalda mal gətirməz:

“Sən ona ləyaqətli yaşayış təmin et, o gedib sərhədlərdə növbəyə dayanmayacaq. Sizin və sizin kimi düşünənlərin məqsədi ölkədə narazılıqları artırmaqdır, insanları narazı salmaqdır.

Məşhur anekdotda deyildiyi kimi, "...mal həmin maldır, amma sənəd-sünəd işi çoxalıb". Kim 15 telefon gətirirdisə, yenə də 15 telefon gətirəcək. Əvvəl özünün və həyat yoldaşının adına rəsmiləşdirirdi, indi 15 nəfər qohum-əqrabasının adına sənədləşdirəcək. Yəni sənəd-sünəd işi artıb Səfər müəllim”.
“Haradan işıq gəlir, ora barmağ dürtürsünüz” deyən deputat, Norveçdə siqaret çox bahadır, Norveçlilər də gedib qonşu ölkələrdən alırlar deyə bildirib:

“İndi qanunsevər, demokratik Norveç sərhədlərdə gestapo yaratsın ki, norveçlilər siqaret alıb gətirə bilməsinlər? Onların ağlına gəlməz, çünki onlar vətəndaşı düşünürlər, sizlər isə ancaq özünüzü, karyeranızı.

Bu o deməkdir ki, cənab Prezident müşavirədə desin ki, Gömrük Komitəsi daha çox vergi toplayıb. Sizin döşünüzə bir medal taxsınlar, vəzifənizi böyütsünlər. Ay qardaş, ay dostum, əzizim, iki gözüm, Prezident demir e, gedin camaat üçün gələn işıq yerlərini qapadın, onu daha da kasıblaşdırıb, büdcəni doldurun, pul qazanmağa qoymayın, qazandığını da müxtəlif əndrabadi qanunlarla tutub əlindən alıb narazı salın. Siz niyə hər şeyi tərsinə başa düşürsünüz? Çünki, sizə elə sərf edir, ancaq bu!

“Başqa ölkələri niyə misal çəkirsiniz? Onda vətəndaşlar da desin ki, o ölkələrdə səhiyyə pulsuzdur, 50,000-70,000 manatlıq cərrahi əməliyyatlar pulsuzdur, kredit alanda rüşvət vermirlər, mal keçirəndə əziyyət çəkmirlər, vəzifəyə qohum-əqrabalarını dartıb gətirmirlər, 1000 manat maaş alıb, 300,000 minlik maşın sürmürlər, 2000 manat maaş alıb, 15 milyonluq ev almırlar, əmək haqqı ilə zavod, fabrik sahibi olmurlar, evlərində qızıldan, gümüşdən tökülmüş unitaza oturmurlar. Siz kimə moizə oxuyursunuz? Bəsdirin, siz Allah!”
Deputat sonda qətiyyətlə bildirib ki, qərar ləğv edilməlidir:

Sosial şəbəkələrdə paylaş:
Gülağa Tənha Keçmişi unutmaq olmaz!12:35, 19 yanvar 2021
Gülağa Tənha "Cavab beş" müsahibəsi13:21, 18 yanvar 2021
“ASAN xidmət”dən Qələbəni bizə yaşadanlar üçün xüsusi xidmət 22:25, 17 yanvar 2021
BDU-nun jurnalistika fakültəsinin tələbəsi Əsgər İsmayılov yazır: Xatirimizdə "Yaddaş muzeyi" olaraq yaşayacaq şəkil... 22:11, 17 yanvar 2021
Hərbi əməliyyatlar zamanı xəsarət almış hərbi qulluqçuların tibbi-sosial ekspertizasının operativ, keyfiyyətlə və mərkəzləşmiş şəkildə aparılması üçün komissiya yaradıldı 21:53, 17 yanvar 2021
Vaksinasiyadan imtina edənləri hansı cəza gözləyir? - TƏBİB-dən AÇIQLAMA 19:55, 17 yanvar 2021
Azərbaycanda xüsusi karantin rejimi BU TARİXƏDƏK uzadıldı 19:51, 17 yanvar 2021
Məktəblərlə bağlı VACİB AÇIQLAMA 19:30, 17 yanvar 2021
Karantin rejimilə bağlı NƏ DƏYİŞDİ? - İZAH 19:24, 17 yanvar 2021
Azərbaycan təsəvvür edə bilməyəcəyimiz bir mövqeyə sahib oldu - Deputat 18:31, 17 yanvar 2021
Deputat Azay Guliyev: Prezident İlham Əliyevin islam və xristian dünyasına Şuşadan verdiyi mesaj barədə yazıb 18:13, 17 yanvar 2021
Gülağa Tənha Qərar qəbul etmə prinsipi və...14:30, 17 yanvar 2021
Səhiyyə Nazirliyi: Vaksin təhlükəsizdir 20:12, 16 yanvar 2021
Gürcüstanda iki nəfəri girov götürən keçmiş polis əməkdaşı saxlanılıb 20:07, 16 yanvar 2021
Azərbaycanda yanvarın 18-dən vaksinasiya başlayır - İlk olaraq ONLARA vaksin vurulacaq 19:44, 16 yanvar 2021
Şuşada vaksinlərin saxlanma məntəqələri qurulur 19:37, 16 yanvar 2021
Bu sahələrin fəaliyyəti bərpa olunur - SİYAHI 19:00, 16 yanvar 2021
Yaqut Qarayeva: Hazırda bu şəxslərin vaksinasiyasına ehtiyac yoxdur - Müsahibə 18:49, 16 yanvar 2021
Hərəkətsizlik və həzm prosesinin düzgün getməməsi uşaqlarda piylənməyə səbəb olur 16:02, 16 yanvar 2021
Ölümlə mistik əlaqə: Saatlardakı ürkütücü müəmma... 13:51, 16 yanvar 2021
 

Bütün hüquqlar qorunur © 2021

Haqqıımızda | Saytda reklam | Bizimlə əlaqə