Təqvim
Yaqub Mahmudov: “Tarix İnstitutu yeni kitablar hazırlayır”
27 aprel 2020 - 19:01

“Azərbaycan Milli Elmlər Akademiyası (AMEA) Tarix İnstitutunun normal iş ahəngi pozulmayıb. İnstitutun əməkdaşları hazırda öz elmi tədqiqatlarını evdə davam etdirirlər. Tarixçi alimlər yeni kitablar üzərində işləyirlər”.

İnstitutdan verilən məlumata görə, bunu elmi müəssisənin direktoru, akademik Yaqub Mahmudov bildirib.

Yaqub Mahmudov deyib ki, Tarix İnstitutunun Elmi Şurasının onlayn iclası keçirilib. İclasda elmi müəssisənin fəaliyyəti müzakirə olunub və elmi işlər üzrə direktor müavinlərinə, elmi katibə, şöbə müdirlərinə tapşırıqlar verilib.

O qeyd edib ki, AMEA-nın prezidenti, akademik Ramiz Mehdiyevin “AMEA-nın magistrantları üçün distant (məsafədən) tədrisin təşkil edilməsi haqqında” sərəncamına əsasən akademiyada tədris onlayn şəkildə təşkil olunub: “Hazırda Tarix İnstitutunda 5 magistrant distant təhsil alır. Tarixçi alimlər onlara “Mixi yazılar”, “Tarix elminin müasir problemləri”, “Azərbaycan Atropatena və Albaniya dövlətləri”, “Tarixin tədrisi metodologiyası və metodikası”, “Azərbaycan dövlətlərinin beynəlxalq əlaqələri (XV-XVII əsrlər)”, “Osmanlı xətləri”, “Əski əlifba”, “Abbasqulu Ağa Bakıxanov və Mirzə Kazımbəyin tarixi görüşləri”, “XIX əsrdə Azərbaycanda tarixi fikrin inkişafı”, “Azərbaycan tarixində neft amili (XIX-XXI əsrin əvvəlləri)” və “XX əsrdə erməni daşnaklarının Azərbaycanda türk-müsəlman əhaliyə qarşı soyqırımları” elmi problemlərini tədris edirlər”.

Akademik deyib ki, Tarix İnstitutunun beynəlxalq əlaqələr şöbəsinin müdiri Lamiyə Qafar-zadə Avropanın görkəmli alimləri Edmund Hertsiq, Peter Qud, Cerri Brotton, Kuroş Meşkat, Elio Brankaforte və başqaları ilə elektron poçt vasitəsilə əlaqə yaradıb və onlarla fikir mübadiləsi aparıb. İnstitutun aparıcı elmi işçisi, Polşadakı Azərbaycanşünaslıq Mərkəzinin rəhbəri Nərgiz Axundova isə Varşava Universitetinin tələbələrinə Azərbaycan tarixini onlayn rejimdə tədris edir.

“Tarix İnstitutunun əməkdaşları ilə elektron poçt və sosial şəbəkə vasitəsilə əlaqə saxlayır və görülən işlərlə maraqlanıram. Hazırda institut akademiyanın Rəyasət Heyətinin qərarına əsasən Azərbaycanın müstəqillik dövrü tarixini araşdırır. Tarixçi alimlər “Səfəvi dövlətinin idarəetməsində Azərbaycan-türk əyanlarının rolu”, “Azərbaycan tarixi Osmanlı sənədlərində”, “Daşnaksütyun” partiyası və türk-müsəlman xalqlarına qarşı soyqırımları (XIX əsrin sonu – XX əsrin əvvəlləri)”, “Sovet hakimiyyətinin ilk illərində böyük dövlətlərin Qafqaz siyasəti və Azərbaycan”, “Azərbaycan SSR Elmlər Akademiyasının formalaşması və yaranması (1920-1945-ci illər)”, “Ermənistanın Azərbaycana qarşı təcavüzü qlobal güc mərkəzlərinin siyasəti fonunda (1991-1994)” və başqa mövzular üzərində tədqiqat aparırlar. İnstitutun alimləri onlayn konfrans və seminarlarda da iştirak edirlər. Mən “Zəngəzur tarixi (I hissə)”, “Şəki tarixi” kitabları və Azərbaycan tarixinə dair illüstrasiyalı broşürlər üzərində işləyirəm. Broşürlər institutun “Tariximizə sahib çıxaq” layihəsi çərçivəsində hazırlanır. Müvafiq mütəxəssislər tərəfindən hazırlanacaq kitabçalarda Azərbaycanın dövlətləri, tarixi şəxsiyyətləri və mədəniyyəti yer alacaq”, - deyə tarixçi alim bildirib.

Yaqub Mahmudov qeyd edib ki, Prezident İlham Əliyev Tarix İnstitutunun fəaliyyətinə yüksək qiymət verməklə yanaşı, həm də institut qarşısında uzun müddət üçün proqram xarakterli vəzifələr qoyub: “Hazırda institut Prezidentin tövsiyə, çağırış və tapşırıqlarını əsas tutaraq öz fəaliyyətini uğurla davam etdirir”. 

Sosial şəbəkələrdə paylaş:
Kateqoriya:
GƏNCLƏR və İDMAN
Şəfalı əlləriniz var olsun 00:12, 17 iyun 2024
“Azərbaycanın zəfər tarixi” – Masallıda konfrans 13:39, 15 iyun 2024
“Son zəng” tədbirləri – MASALLIDA 19:31, 14 iyun 2024
Əbədi birlik təntənəsi 18:48, 10 iyun 2024
Masallı güləşçiləri respublika üçüncüsüdür 19:55, 08 iyun 2024
“Fitrətimizdədir vətənpərvərlik” kitabının təqdimatı – MASALLIDA 22:05, 06 iyun 2024
“FİTRƏTİMİZDƏDİR VƏTƏNPƏRVƏRLİK” kitabı haqqında düşüncələr... 20:25, 04 iyun 2024
14 yaşlı Masallı şahmatçısı ölkə birinciliyinin finalında 17:01, 01 iyun 2024
Müstəqillik Gününə həsr olunmuş boks üzrə region turniri – MASALLIDA 12:54, 01 iyun 2024
Uşaqların Beynəlxalq Müdafiəsi Günü – MASALLIDA 11:46, 01 iyun 2024
“Masallı folklor örnəkləri” 3-cü kitabının təqdimatı 19:58, 30 may 2024
Azərbaycanda Tacikistanın Mədəniyyət Günlərinin keçirilməsi ikitərəfli münasibətlərdə mühüm hadisədir 14:45, 29 may 2024
Boks üzrə kadetlər arasında zona birinciliyinin finalına yekun vurulub 16:51, 28 may 2024
Masallı məktəblərində Müstəqillik Günü ilə bağlı tədbirlər keçirilib 22:58, 27 may 2024
Müstəqillik Günü münasibətilə konsert – Masallıda 20:33, 27 may 2024
Masallının volleybolçu qızları region çempionudur 19:16, 27 may 2024
Güləş üzrə region turnirinə yekun vurulub – Masallıda 19:40, 25 may 2024
4 Masallı məktəblisi Zona Fənn Olimpiadasının qalibləri sırasında 12:45, 25 may 2024
“Müstəqil, müasir Azərbaycanın qurucusu və əbədiyaşar lideri” – Masallıda tədbir 20:05, 24 may 2024
Professor Musa Quluzadənin yubileyi qeyd olunub 15:18, 24 may 2024
 

Bütün hüquqlar qorunur © 2024

Haqqıımızda | Saytda reklam | Bizimlə əlaqə