Canveten.az xəbər verir ki, Bakı Dövlət Universitetinin Hüquq fakültəsində “Hüquqşünaslıq” ixtisasının "İnsan hüquqları" ixtisaslaşması üzrə magistr dissertasiyalarının müdafiəsi keçirilib. İxtisaslaşdırılmış magistr dissertasiya müdafiəsi şurasının sədri, Azərbaycan Respublikasının İnsan hüquqları üzrə Müvəkkili (Ombudsman), professor Elmira Süleymanova magistrantların elmi və peşə hazırlığını, elmi diskussiya aparmaq bacarıqlarını müsbət qiymətləndirib, gələcək işlərində müvəffəqiyyətlər arzulayıb. Müdafiədə iştirak edən 7 magistrantın hər biri “əla” qiymət alıb və onlardan ikisinə professor Elmira Süleymanova tərəfindən Ombudsman Aparatında iş təklif edilib. Müdafiədə iştirak edən Bakı Dövlət Universitetinin rektoru Elçin Babayev Ombudsman Aparatı ilə birgə kadr hazırlığından danışıb və gənc tədqiqatçılara gələcək işlərində uğurlar arzulayıb. ! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!! ŞƏRHLƏR : ( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )
Dissertasiya işləri İnsan hüquqları və informasiya hüququ YUNESKO kafedrasında Azərbaycan dilində geniş həcmdə referat təqdim etməklə ingilis dilində yerinə yetirilib.
Bütün hüquqlar qorunur © 2024