Canveten.az xəbər verir ki, AMEA akad. H.Ə.Əliyev adına Coğrafiya İnstitutunun  Gənc Alim və Mütəxəssislər Şurasının üzvləri növbəti dəfə Yasamal rayonunun N.Tusi adına 173 saylı orta məktəbində təşkil olunmuş “Kiçik Akademiya”nın yarımillik hesabat yığıncağında iştirak ediblər.

Cİ-nin əməkdaşı  Gülsarə İmanova rəhbərlik etdiyi “Kiçik Akademiya”nın  hesabatında cari ilin birinci yarısında görülən işlərdən, çöl tədqiqatlarından, yuxarı sinif şagirdlərinin əldə etdikləri təcrübələrdən, elmi yeniliklərə əsasən müxtəlif mövzularda hazırladıqları təqdimatlardan,  “İnsan sağlamlığına ətraf mühitin təsiri”, “Səma cisimləri, ulduzlar aləmi” və s. bu kimi təşkil olunan tədbirlərin uğurla keçdiyindən danışıb.

GAMŞ-ın sədri, c.ü.f.d. Samirə Ələkbərova və İnstitutun kiçik elmi işçisi Fəridə Talıbova şagirdlər qarşısında çıxış edərək onlara öz tövsiyələrini veriblər.

Tədbir istedadlı və xüsusi bacarığa malik şagirdlərin çıxışı ilə davam edib.

Sonda məktəbin direktoru Sitarə Abbasova gənc alimlərə təşəkkürünü bildirib, AMEA Gənc Alim və Mütəxəssislər Şurası ilə birgə təşkil olunan tədbirlərin, elmi araşdırmaların şagirdlərdə elmə olan marağın artmasında, onların peşə seçimində mühüm rol oynadığını diqqətə çatdırıb.

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )