Təqvim
Akademik Akif Əlizadə AMEA Fizika-Riyaziyyat və Texnika Elmləri Bölməsinin büro üzvləri ilə görüşüb (+FOTO)
15 iyun 2019 - 04:13

Canveten.az xəbər verir ki, AMEA-nın Rəyasət Heyətində Fizika-Riyaziyyat və Texnika Elmləri Bölməsinin (FRTEB) büro üzvləri ilə görüş  keçirilib.

Görüşdə AMEA-nın prezidenti, akademik Akif ƏlizadəFRTEB-in akademiyanın aparıcı elmi bölməsi olduğunu vurğulayaraq bölmənin son 5 ildə fəaliyyətini yeni elmi istiqamətlərdə qurduğunu deyib.

Elmi-texniki infrastrukturu modernləşdirmək istiqamətində akademiyanın bölmədən böyük gözləntiləri olduğunu söyləyən AMEA rəhbəri elmi tədqiqatların səmərəsini artırmaq, eyni zamanda beynəlxalq elmi əlaqələri gücləndirmək məqsədilə bölmənin xarici elmi mərkəzlərlə əməkdaşlıq imkanlarını daha da genişləndirməyi tövsiyə edib.Bölməyə daxil olan hər bir elmi müəssisəyə yeni elmi istiqamətlərdə təqdiqatlarıdigər institutlarla müştərək aparmağı, doktorant və dissertantlar üçün müasir elmin tələblərinə uyğun dissertasiya mövzuları müəyyənləşdirməyi tapşırıb.

Çıxışında İKT-nin elmi fəaliyyətdə tətbiqindən söz açan akademik A.Əlizadə proqram mühəndisliyi, idarəetmə sistemləri, robotlaşma texnologiyaları sahələrində, eləcə də biofizika sahəsində, uzunömürlülüyün və neyrodegenerativ xəstəliklərin tədqiqində müasir texnologiyalardan istifadə yolu ilə elmi araşdırmalara üstünlük verməyə, həmçininölkənin informasiya təhlükəsizliyivə bu istiqamət üzrə kadrların hazırlanmasında müvafiq institutları fəal olmağa çağırıb.

Akademik ötən ay ölkəmizdə rəsmi səfərdə olan Rusiya Elmlər Akademiyasının prezidenti, akademik Aleksandr Sergeyev iləgörüşdə müzakirəedilən məsələlərə də toxunub. Görüş çərçivəsində iki qurum arasında imzalanan elmi-texniki əməkdaşlıq haqqında sazişdən danışıb. Xüsusilə də  Xəzərin mineral ehtiyatları, biomüxtəlifliyi və ekoloji problemlərinin birgə tədqiqatlar üçün prioritet istiqamət olduğunu vurğulayıb.

AMEA prezidenti akademiyanın Yüksək Texnologiyalar Parkının istehsalat müəssisələrinin fəaliyyəti üçün münbit şərait yaratmasını,Strateji Elmi Tədqiqatlar Mərkəzininstrateji əhəmiyyətli layihələrin hazırlanmasında, intellektual, hərbi-elmi və texniki potensialın artırılmasında əhəmiyyətli işlər gördüyünü də diqqətə çatdırıb.Bildirib ki, qeyd olunan sahələrdə fəaliyyəti daha da inkişaf etdirmək üçün  onlara elmi-texniki dəstəyi ilk növbədə FRTEBgöstərməlidir.

Görüşdə perspektiv planda olan digər məsələlər ətrafında da müzakirələr aparılıb.

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

                              

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )

                                    

 

Sosial şəbəkələrdə paylaş:

Bütün hüquqlar qorunur © 2024

Haqqıımızda | Saytda reklam | Bizimlə əlaqə