Təqvim
BSU-da türk gənclərinin bayramı qeyd olunub (+FOTOLAR)
26 aprel 2019 - 23:36

Canveten.az xəbər verir ki, aprelin 24-də Bakı Slavyan Universitetində (BSU) Türkiyənin Azərbaycandakı səfirliyi, BSU-nun Türk Araşdırmaları Tədris-Mədəniyyət Mərkəzi və BSU nəzdində Məktəb-Lisey Kompleksinin təşkilatçılığı ilə Türkiyənin Milli Suverenlik və Uşaq Bayramı Günü ilə bağlı “Uşaq ədəbiyyatına səyahət” adlı tədbir keçirilib.

Tədbirin əvvəlində Ümummili Lider Heydər Əliyevin və Mustafa Kamal Atatürkün xatirəsi bir dəqiqəlik sükutla yad edilib, Azərbaycan və Türkiyənin Dövlət himni səsləndirilib.

Tədbiri giriş sözü ilə açan BSU-nun elmi işlər üzrə prorektoru, professor Rafiq Novruzov qardaş ölkə ilə birlikdə qeyd olunan bayramların Azərbaycan-Türkiyə münasibətlərinə yeni töhfələr verəcəyini bildirib və prorektor tədbirə qatılan uşaqları bayram münasibəti ilə təbrik edib.

Türkiyənin Azərbaycandakı səfirliyinin Mədəniyyət və Tanıtma müşaviri İrfan Çiftçi çıxışında Mustafa Kamal Atatürk tərəfindən uşaqlara ərmağan edilən Milli Suverenlik və Uşaq Bayramının mahiyyətindən danışıb. O, tədbirin Çanaqqala zəfərinin 104-cü ildönümü ilə eyni tarixə təsadüf etdiyini xatırladaraq şanlı zəfərin tarixindən söz açıb. İ.Çiftçi Çanaqqala zəfərini təkcə türk dünyasının deyil, bütün dünya xalqlarının tarixində yeni mərhələnin başlanğıcı kimi qiymətləndirib, Çanaqqala və Qarabağ müharibələrində həlak olan şəhidlərin xatirəsini qürur hissi ilə yad edib.

Türk Araşdırmaları Tədris-Mədəniyyət Mərkəzinin müdiri Ziyafət Qasımova maarifləndirici xarakter daşıyan tədbirin uşaqların kitablara marağının artırılması məqsədilə keçirildiyini diqqətə çatdırıb, bayram münasibəti ilə uşaqları təbrik edib.

Tədbir çərçivəsində Türkiyənin tanınmış uşaq yazarı Fatma Yangın Ekşioğlunun Milli Suverenlik və Uşaq Bayramı münasibətilə azərbaycanlı uşaqlara müraciətlə çəkdiyi qısa təbrik videosu nümayiş olunub.

Nümayişin ardından çıxış edən Azərbaycanın uşaq yazarı Reyhan Yusifqızı bayram ərəfəsində Türkiyədə dövlət idarəsinin uşaqların öhdəsinə buraxılması ənənəsindən söz açıb. R.Yusifqızı bu ənənənin uşaqların gələcəkdə müxtəlif vəzifələrə yiyələnməsinə stimul verəcəyini deyərək çoxlu mütaliə etməyin uşaqların intellekt səviyyəsinin yüksəldilməsinə müsbət təsir göstərdiyini vurğulayıb.

Tədbir bədii hissə ilə davam edib. BSU nəzdində Məktəb-Lisey Kompleksinin və Bakı Türk Anadolu Liseyinin şagirdləri tərəfindən mahnı və şeirlər səsləndirilib, səhnəciklər təqdim olunub. Sonda Bakı Türk Anadolu Liseyinin müdiri Nurullah Feyzi Yazıcı və Türkiyənin Azərbaycandakı səfirliyinin Mədəniyyət və Tanıtma müşaviri İrfan Çiftçi tərəfindən uşaqlara hədiyyələr təqdim olunub. Tədbirin ardından BSU nəzdində Məktəb-Lisey Kompleksinin, Bakı Türk Anadolu Liseyinin, 164 saylı məktəbin şagirdlərinin əl işlərindən ibarət sərgiyə baxış keçirilib.

 

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

                              

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )

                          

Sosial şəbəkələrdə paylaş:
Gülağa Tənha Məktəb illəri "Otuz ilin sirri" IV hissə16:47, 04 iyun 2020
Gülağa Tənha "Soraqlayır"13:00, 03 iyun 2020
Azərbaycanda daha bir məmur həbs olundu 18:28, 02 iyun 2020
Adil Qəribova və Arif Məmmədova “Şöhrət” ordeni təqdim edilib 18:25, 02 iyun 2020
Gömrük Akademiyasında yeni ixtisaslara qəbul aparılır 18:23, 02 iyun 2020
BDU-da “Azərbaycan regionlarının inkişafının coğrafi məsələləri” mövzusunda gənc tədqiqatçıların Respublika virtual elmi konfransı keçirilib 18:22, 02 iyun 2020
AQTA-nın növbəti laboratoriyası milli və beynəlxalq akkreditasiyadan keçib 18:19, 02 iyun 2020
Şura 7 qrant müsabiqəsi elan edir 18:17, 02 iyun 2020
BŞTİ-də vətəndaşların qəbulu iyunun 15-dək dayandırılıb 18:14, 02 iyun 2020
AzTU-da “Gələcəyin mühəndisi -1” onlayn olimpiadası keçirilib 18:09, 02 iyun 2020
Bank of Baku-dan tibb işçilərinə özəl komissiyasız, zaminsiz 30.000 AZN-dək kredit!18:07, 02 iyun 2020
Azərbaycan Premyer Liqasının bərpa olunacağı tarix açıqlandı - RƏSMİ17:56, 02 iyun 2020
Gəncədə mənşəyi məlum olmayan baytarlıq preparatları aşkarlanıb 17:55, 02 iyun 2020
BDU-da “XVI-XVII əsrlərdə Habsburqlar və Səfəvilərin diplomatik əlaqələri” mövzusunda onlayn elmi seminar keçirilib 17:54, 02 iyun 2020
Gülağa Tənha Məktəb illəri "Otuz ilin sirri" III hissə15:00, 02 iyun 2020
Azay Quliyev QHT və qrant haqqında qanunun dəyişdirilməsini TƏKLİF ETDİ17:50, 01 iyun 2020
AzTU-nun professoru Türkiyə telekanalında erməni yalanlarını ifşa etdi - VIDEO17:46, 01 iyun 2020
Konvalesent plazma müalicəsi 17:44, 01 iyun 2020
Gömrük nəzarətindən gizlədilən etiketlər aşkar edildi 17:40, 01 iyun 2020
BDU 1 İyun - Uşaqların Beynəlxalq Müdafiəsi Günü münasibətilə ədəbi-musiqili kompozisiya hazırlayıb 17:39, 01 iyun 2020
 

Bütün hüquqlar qorunur © 2020

Haqqıımızda | Saytda reklam | Bizimlə əlaqə