Ailə, Qadın və Uşaq Problemləri üzrə Dövlət Komitəsinin sədri Hicran Hüseynova bildirib ki , 162 nömrəli məktəbin şagirdinin intihar etməsi ilə bağlı məsələ Prezidentin və Birinci vitse-prezidentin diqqətindədir.
Son zamanlar dövlət başçısı bir neçə dəfə vəzifəli şəxslərin məsuliyyəti , dövlət nəzarəti məsələlərinə toxunub.
Vəzifəli şəxslərin məsuliyyətsizliyi, dövlət nəzarətinin zəif olması , qərarların icrası və icra intizamı məsələlərinə aid mediada xeyli sayda faktlar açıqlanıb, mən özüm bir neçə dəfə açıqlamalar vermişəm.

Baş verən hadisə ilə bağlı münasibət bildirməli, məsuliyyət daşımalı olan qurumlar və şəxslərlə Prezident arasındakı məsafə kilometrlərlədir.

Mövcud qanunvericiliyə görə nəzarət etməli olan (Uşaq hüquqlarının həyata keçirilməsinə dövlət nəzarəti) , məsuliyyət daşımalı olan qurumlar aşağıdakılardır :

1. Ailə, Qadın və Uşaq Problemləri üzrə Dövlət Komitəsi
2. Təhsil Nazirliyi
3. Daxili İşlər Nazirliyi
4. Səhiyyə Nazirliyi
5. Gənclər və İdman Nazirliyi
6. Yetkinlik yaşına çatmayanların işləri üzrə komissiyalar 
7. Yerli icra hakimiyyətlərinin qəyyumluq və himayə komissiyası
8. Məktəb rəhbərliyi və s.

Belə olan halda Dövlət Komitəsi rəhbərinin məlum açıqlaması, düşünürəm ki , yerində deyil. 
Bütün bunlar sonda xoşagəlməz dövlət ənənəsi formalaşdırır.
Heç olmasa bu qurumlar birgə bir toplantı edib, ictimaiyyətin də nümayəndələrini dəvət edib məsələni müzakirə edərək açıqlama verə bilərdilər. 
Problem kifayət qədər ciddi olduğunundan bunu hər hansı bir dövlət qurumunun da üzərinə qoymaq doğru olmazdı. 
Düşünrəm ki adı çəkilən qurumlar intihar hadisəsinə, baş verənlərlə bağlı məsuliyyət məsələsinə ciddi münasibət bəsləmi , yetərli və dəqiq rəsmi açıqlamalar verilməlidir. 
Bu tip hadisələrn təkrarlanmaması üçün tədbirlər görülməlidir.