Canveten.az xəbər verir ki,  Azərbaycan Dövlət Musiqili Teatrında həftə sonu maraqlı tamaşalar oynanılacaq. Qurumun mətbuat xidmətindən bildirilib ki, teatr fevral ayının 8-də “Qızıltoy” (O.Kazımi, R.Heydər), 9-da“Mən dəyərəm min cavana” (F.Sücəddinov, T.Vəliyeva) və 10-da "999-cu gecə” (F.Əmirovun musiqiləri və "Min bir gecə” nağıllarının motivləri əsasında) əsərlərini təqdim edəcək. Tamaşalar axşam saat 19:00-da başlayacaq.

Musiqili Teatr balaca teatrsevərlərin görüşünə fevralın 9-da saat 12:00-da ana dilimizdə “Dəcəl çəpişlər” (O.Zülfüqarov, R.Heydər), rus dilində isə fevralın 8-də saat 13:00-da "Düyməcik”(H.X.Anderson) və fevralın 10-da saat 12:00-da “Birdayan, canavar!” (R.Ağayeva, A.Xayt, A.Kurlyanski) musiqili əyləncəli nağıl tamaşaları ilə gələcək. 

Həftə sonu nümayiş olunacaq səhnə əsərlərində sevimli aktyorlar – Xalq artisti İlham Namiq Kamal, Əməkdar artistlər – Əzizağa Əzizov, Boris Qrafkin, Nahidə Orucova, Əkbər Əlizadə, Svetlana Bulax, Səidə Şərifəliyeva, aktyorlar -Məhərrəm Qurbanov, Elxan İsmayılov, Nadir Xasıyev, Gülnarə Abdullayeva, Gülçöhrə Abdullayeva, Ülviyyə Əliyeva, Mehriban Zalıyeva, Ağaxan Şərifov, Emil Heydərov, Rəsmiyyə Nurməmmədova, Gülnarə Əzizova, Əliməmməd Novruzov, Eleonora Mustafayeva, Şaban Cəfərov, Səmədzadə Xasıyev, Yulya Heydərova, Elnarə Nağdəliyeva, Hüseyn Əlili, Nicat Əli, Telnaz Hüseynova, Valeriya İsgəndərzadə, Əmrah Dadaşov, Şaban Cəfərov, Güldanə Əzimova, Elməddin Dadaşov, Fərid Rzayev, Eleanora Mehdiyeva, Nərmin Əliyeva, Elnur Zeynalov və başqaları ifa edəcəklər.

Musiqili Teatr həftə sonunu yadda qalan keçirmək istəyən hər kəsi bir-birindən maraqlı səhnə əsərlərinə baxmağa dəvət edir. Teatr sevərlər 6 manatdan başlayan biletləri şəhərin bütün teatr-konsert kassalarından və "ASAN Xidmət” mərkəzlərindən, eləcə də iticket.az saytından əldə edə bilərlər.

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )