Təqvim
Bu günlərdə 2020-ci il üçün “Humay” Milli mükafatı laureatlarının adları açıqlanmlşdır
07 dekabr 2020 - 14:02

Təltif olunan sənətçilər sırasında Azərbaycan Dövlət Akademik Opera və Balet Teatrının solistləri də vardır -  Əməkdar artistlər Nigar İbrahimova milli xoreoqrafiya sənəti, Əməkdar artist Arzu Əliyeva və gənc muğam ustası Aytən Məhərrəmova  isə muğam sənəti sahəsində uğurlarına görə bu mötəbər mükafata layiq görülmüşlər.


Nigar İbrahimova Teatrın balet truppasının aparıcı solisti olub, repertuardakı əksər tamaşalarda aparıcı partiyaları ifa etməklə yanaşı,  milli balet sənətimizi ölkə hüdudlarından kənarda da uğurla təmsil edir. Azərbaycan Respublikası Prezidenti mükafatçısıdır.


Əməkdar artist Arzu Əliyeva və Respublika Muğam müsabiqəsinin laureatlarından olan Aytən Məhərrəmova Teatrın muğam bölməsinin solistləridir.  Onlar Teatrın repertuarındakı milli opera tamaşalarında böyük uğurla çıxış edir, eyni zamanda bir sıra xarici ölkələrdə muğam sənətimizi təbliğ edirlər.


Bu il Teatrın üç aparıcı solistinin “Humay” mükafatına layiq görülməsi, heç şübhəsiz ki, Azərbaycan Dövlət Akademik  Opera və Balet Teatrının  professional və yaradıcı imicinin parlaq göstəricisidir.

Sosial şəbəkələrdə paylaş:
Kateqoriya:
RƏSSAMLIQ

Bütün hüquqlar qorunur © 2021

Haqqıımızda | Saytda reklam | Bizimlə əlaqə