Təqvim
Şəhid Elşən Bəşirovun xatirəsi anılıb – Masallıda
26 dekabr 2023 - 16:36

Şəhidin 50 illiyi əlaqədar xatirəsi anılıb

 

Masallı rayonunda Birinci Qarabağ müharibəsi şəhidi Elşən Bəşirovun anadan olmasının 50 illiyi münasibətilə anım tədbiri keçirilib. 
Şəhidin vaxtilə təhsil aldığı, “Azərbaycan Bayrağı” ordenli şəhid Firudin Dəmirov adına Təklə kənd tam orta məktəbində təşkil olunan tədbirdə kənd ərazi nümayəndəsi, bələdiyyə sədri, şəhidin ailə üzvləri, məktəbin müəllim və şagirdləri iştirak ediblər.
Əvvəlcə Ulu öndər Heydər Əliyevin, torpaqlarımızın bütövlüyü uğrunda şəhid olan Vətən övladlarının xatirəsi bir dəqiqəlik sükutla yad olunub. 
Məktəbin direktoru Oktay Abıyev şəhid Elşən Bəşirovun şərəfli ömür və döyüş yolu barədə məlumat verib. O, Azərbaycanın müstəqilliyi, torpaqlarımızın işğaldan azad edilməsi naminə şəhid və qazilərimizin göstərdikləri fədakarlığın gənc nəslə örnək olduğunu diqqətə çatdırıb.
Bildirilib ki, şəhid Bəşirov Elşən Dənizxan oğlu 26 dekabr 1973-cü ildə Masallı rayonunun Təklə kəndində anadan olub. 1990-cı ildə həmin kənddəki tam orta məktəbi bitirib. 1992-ci ildə hərbi xidmətə çağırılıb. Gəncə batalyonunun tərkibində Ağdərə bölgəsində qəhrəmanlıqla döyüşüb. 
1993-cü il aprelin 2-də Ağdərə uğrunda gedən döyüşlərdə şəhid olub. Təklə kənd qəbiristanlığında dəfn olunub. Subay idi. 
Masallı RİHB-nın Təklə kənd inzibati ərazi dairəsi üzrə nümayəndəsi Tural Bəşirov, məktəbin müəllimi Əhməd Rzayev və başqaları Müzəffər Ali Baş Komandanın rəhbərliyilə şanlı Ordumuzun qazandığı tarixi qələbədən, bu zəfərin qazanılmasında igidlərimizin şücaətindən, Elşən kimi oğullarımızın vətənpərvərliyindən danışıblar.
Anım mərasimində məktəblilər şəhidlərə, Vətənə aid şeirlər səsləndiriblər.
Tədbir iştirakçıları şəhidin məzarını ziyarət edib, önünə gül dəstələri, əklillər qoyub, xatirəsini ehtiramla anıblar.
Şəhidin qardaşı Elxan Bəşirov ailə üzvləri adından onlara göstərilən diqqət və qayğıya görə ölkə Prezidenti cənab İlham Əliyevə, eləcə də tədbirin təşkilatçılarına minnətdarlığını bildirib.

 

Akif AĞAYEV

Sosial şəbəkələrdə paylaş:
Kateqoriya:
Bölmədəki digər xəbərlər:
Masallı kitabxanasının 100 illik yubileyi 21:47, 23 aprel 2024
Masallıda görkəmli bəstəkarın yubiley tədbiri 15:12, 22 aprel 2024
Masallıda şəhid İnqilab Nağıyevin xatirəsi anılıb 15:05, 17 aprel 2024
İki Masallı məktəblisi maksimum nəticə göstərib 18:48, 16 aprel 2024
Bu gün millətin sevimlisi hörmətli Anar Ələkbərovun AD GÜNÜdür... 18:36, 13 aprel 2024
Ən çox oxunan müəlliflə görüş – II Kitab Sərgisi çərçivəsində 17:29, 08 aprel 2024
Aprel şəhidinin xatirəsi anılıb - Masallıda 00:48, 06 aprel 2024
Masallı məktəblərində Aprel döyüşlərilə bağlı tədbirlər keçirilib 21:23, 05 aprel 2024
Şəhid Qəhrəman İsmayılovun doğum günü qeyd olunub – Masallıda 23:51, 04 aprel 2024
Şəhid Elşən Bəşirovun xatirəsi anılıb – Masallıda 20:14, 03 aprel 2024
“Zəfərə gedən yol” – Masallıda tədbir 19:12, 03 aprel 2024
Masallılı karateçi qardaşlar respublika birinciliyinin qalibidir 12:47, 31 mart 2024
Masallı məktəblərində Azərbaycanlıların Soyqırımı Günü ilə bağlı tədbirlər keçirilib 14:58, 30 mart 2024
Kənd təsərrüfatı nazirinin müavini Masallıda vətəndaşları qəbul edib, fermerlərlə görüşüb 12:33, 30 mart 2024
Əliməmməd Nuriyev “Heydər Əliyevin 100 illiyi (1923-2023)” yubiley medalı ilə təltif olunub 23:19, 29 mart 2024
“Sağlamlıq körpüsü” layihəsi – Masallıda 20:59, 29 mart 2024
Masallıda iftar süfrəsi açılıb 19:55, 28 mart 2024
Azərbaycanda vətəndaşlar sağlam və təhlükəsiz formada yaşayır və yaşayacaqlar 13:28, 27 mart 2024
Qəhrəman tank komandiri 21:18, 24 mart 2024
Masallıda şəhid Sahil Babayevin xatirəsi anılıb 20:12, 21 mart 2024
 

Bütün hüquqlar qorunur © 2024

Haqqıımızda | Saytda reklam | Bizimlə əlaqə