Bakıda xəstəxana qarət olunub. Daxili İşlər Nazirliyindən verilən məlumata görə, dekabrın 22-də paytaxtın Nizami rayonu ərazisindəki tibb müəssisələrinin birindən 14 ədəd kompyuter və 2 monitor oğurlanıb. Bu barədə Nizami rayon Polis İdarəsinin 23-cü Polis Bölməsinə məlumat daxil olub. Dərhal polis əməkdaşları tərəfindən müvafiq tədbirlər həyata keçirilib. Əməliyyat-axtarış tədbirləri ilə oğurluq əməlini törətməkdə şübhəli bilinən Bakı şəhər sakini S.Mehdiyev müəyyən edilərək saxlanılıb. Araşdırma aparılır.
Bütün hüquqlar qorunur © 2023