Bakı Apellyasiya Məhkəməsində AXCP sədrinin müavini Fuad Qəhrəmanlının qızı Sənay Yağmuru (Qəhrəmanlı) zorlamaqda ittiham olunan xalası oğlu Əsgər Ağayevin barəsində olan həbs qətimkan tədbirindən verdiyi apellyasiya şikayətinə baxılıb.

Prosesdə şikayət araşdırılsa da təmin edilməyib, Binəqədi rayon məhkəməsinin qərarı qüvvədə saxlanılıb.

Xatırladaq ki, Ə.Ağayev barəsində Binəqədi rayon məhkəməsinin qərarı ilə 4 aylıq həbs qətimkan tədbiri seçilmişdi.

Qeyd edək ki, Sənay Yağmur oktyabrın 12-də sosial şəbəkədə açıqlama yayaraq xalası oğlu Əsgər Ağayev tərəfindən içkisinə narkotik qatıldıqdan sonra zorlandığını bildirib.

Ə.Ağayev barəsində Cinayət Məcəlləsinin 149.2.3 (təqsirkar şəxs üçün aşkar surətdə yetkinlik yaşına çatmayan şəxsə qarşı törədildikdə) maddəsi ilə cinayət işi başlanılıb.