Təqvim
Bu gün Azərbaycanın Milli Qəhrəmanı Təbriz Xəlilbəylinin doğum günüdür.
12 fevral 2020 - 12:49

Bu gün Azərbaycanın Milli Qəhrəmanı Təbriz Xəlilbəylinin doğum günüdür. Bu münasibətlə Təbriz Xəlilbəyliyə həsr olunmuş sənədli filmin rejissoru Ruslan Mollayevdən filmin ərsiyə gəlməsi haqqında soruşduq. Azpress.az - saytı həmin müsahibəni və filmi təqdim edir.

Universiteti bitirəndən beş il sonra tələbə yoldaşımın təkidi ilə sənədlərimizi (ayrı ixtisaslarla) magistraturaya verdik. O ərəfələr hazırlaşmağa qəti vaxtım yox idi, dövlət layihəsi işləyirdik. İnanmırdım keçərəm, imtahanın cavabları çıxdı: mən daxil oldum, dostum kəsildi. Bir il sonra o, da daxil oldu (filmdə onun da müsahibəsi var) . ADMİU – nın rektoru Fərəh xanım Əliyeva idi. Dedilər ki, "Universitetin Qarabağda şəhid olan tələbələri haqqında sənədli filmlər çəkiləcək. İstəyirik sən də bu layihəyə qoşulub Təbriz Xəlilbəyli haqqında film çəkəsən." Tabriz Xəlilbəylinin atası Xəlil Rza Ulutürk haqqında 2008 - ci ildə film hazırlamışdım, ətraflı məlumatım vardı. Razılıq verdim. Filmin çəkilişləri başlayanda Təbriz Xəlilbəylinin həyat yoldaşı Sevinc xanımın müalicə aldığı məlum oldu, dedi: “ Mənsiz çəkin, yenidən olanları danışmaq olduqca ağırdı...” Sevinc xanımı çox yaxşı başa düşürdüm. Gözlədim... Ssenaridə rəsmi xronikanı çıxardıb xatirələri saxladım. Həyatda insanları statistika, rəqəmlər maraqlandırırsa da filmdə tam əksinədir.
Sağ olsunlar “Azərbaycan Xəzər Dənizi Gəmiçiliyi” Qapalı Səhmdar Cəmiyyəti də çəkilişə razılıq verdi. Çünki mütləq, Təbrizin adını daşıyan gəmidə də çəkiliş etməliydim.
Filmlərdə mesajdan daha çox ovqatı çatdırmağa çalışıram. Heç vaxt kiməsə nəyisə başa salmaq istəmirəm, filmi ilk növbədə özüm üçün çəkirəm, hazırlıq dövründən tutmuş montaj ərəfəsinə qədər olduqca tənqidi yanaşıram ki, sonradan deməyim: bax burda gərək belə edəydin!

Film mənim üçün sanki şeirdə, musiqidə olduğu kimidir: söz və not nə artıq, nə də əskik olmamalıdır. Zövqümə əminəm, gördüyüm işə bir neçə dəfə baxıram, xoşum gəlirsə, demək ki, alınıb...

Filmin montaj prosesində hiss elədim ki, Təbrizin xəbəri gələn hissədə heç bir mahnı uyğun deyil, yeni nəsə olmalıdır, eşidilməyən; yazın gəlişinə baxmayaraq güclü külək var idi, o ovqatda ağlıma bir musiqi gəldi. Universitetin istedadlı musiqiçilərini yığıb mahnını yazdıq və film tamamlandı. Qəribədi, bir neçə vaxt sonra Təbrizin atası Xəlili yuxumda gördüm...


Ssenari müəllifi, quruluşçu rejissor, operator və montaj: Ruslan Mollayev
Təşkilatçı: Rüzgar Kəskin


Dosye
Xəlilbəli Təbriz Xəlil Rza oğlu 12 fevral 1964 - cı ildə Bakı şəhərində anadan olub. 1981-ci ildə Bakı şəhəri Mikayıl Müşfiq adına 18 saylı orta məktəbi bitirib. 1982-ci ildə o, Azərbaycan Dövlət İncəsənət Universitetinə daxil olur. Təhsilini davam etdirərək, həm də C.Cabbarlı adına "Azərbaycan film" kinostudiyasında işıqçı işləyir. 1991-ci ilin sonunda könüllü olaraq cəbhəyə yollanır. Xromord və Naxçıvanik kəndləri uğrunda gedən döyüşlərdə o, qəhrəmanlıq nümunəsi göstərir. Döyüş şücaətinə görə DİN-nin "Boz qurd" mükafatına layiq görülür. 1992-ci il 31 yanvar Təbriz Xəlilbəylinin son döyüşü olur. O, Şuşanın mühasirədən çıxarılması üçün təşkil edilən Daşaltı əməliyyatı zamanı qəhrəmancasına həlak olur.
Azərbaycan Respublikası Prezidentinin 8 oktyabr 1992-ci il tarixli 264 saylı Fərmanı ilə Xəlilbəyli Təbriz Xəlil Rza oğluna ölümündən sonra "Azərbaycanın Milli Qəhrəmanı" fəxri adı verilmişdir.

Sosial şəbəkələrdə paylaş:
Kateqoriya:
RƏSSAMLIQ
Masallı kitabxanasının 100 illik yubileyi 21:47, 23 aprel 2024
Masallıda görkəmli bəstəkarın yubiley tədbiri 15:12, 22 aprel 2024
Masallıda şəhid İnqilab Nağıyevin xatirəsi anılıb 15:05, 17 aprel 2024
İki Masallı məktəblisi maksimum nəticə göstərib 18:48, 16 aprel 2024
Bu gün millətin sevimlisi hörmətli Anar Ələkbərovun AD GÜNÜdür... 18:36, 13 aprel 2024
Ən çox oxunan müəlliflə görüş – II Kitab Sərgisi çərçivəsində 17:29, 08 aprel 2024
Aprel şəhidinin xatirəsi anılıb - Masallıda 00:48, 06 aprel 2024
Masallı məktəblərində Aprel döyüşlərilə bağlı tədbirlər keçirilib 21:23, 05 aprel 2024
Şəhid Qəhrəman İsmayılovun doğum günü qeyd olunub – Masallıda 23:51, 04 aprel 2024
Şəhid Elşən Bəşirovun xatirəsi anılıb – Masallıda 20:14, 03 aprel 2024
“Zəfərə gedən yol” – Masallıda tədbir 19:12, 03 aprel 2024
Masallılı karateçi qardaşlar respublika birinciliyinin qalibidir 12:47, 31 mart 2024
Masallı məktəblərində Azərbaycanlıların Soyqırımı Günü ilə bağlı tədbirlər keçirilib 14:58, 30 mart 2024
Kənd təsərrüfatı nazirinin müavini Masallıda vətəndaşları qəbul edib, fermerlərlə görüşüb 12:33, 30 mart 2024
Əliməmməd Nuriyev “Heydər Əliyevin 100 illiyi (1923-2023)” yubiley medalı ilə təltif olunub 23:19, 29 mart 2024
“Sağlamlıq körpüsü” layihəsi – Masallıda 20:59, 29 mart 2024
Masallıda iftar süfrəsi açılıb 19:55, 28 mart 2024
Azərbaycanda vətəndaşlar sağlam və təhlükəsiz formada yaşayır və yaşayacaqlar 13:28, 27 mart 2024
Qəhrəman tank komandiri 21:18, 24 mart 2024
Masallıda şəhid Sahil Babayevin xatirəsi anılıb 20:12, 21 mart 2024
 

Bütün hüquqlar qorunur © 2024

Haqqıımızda | Saytda reklam | Bizimlə əlaqə