Təqvim
ADMİU-da Xalq artisti Cahangir Novruzovla görüş keçirilib (+FOTOLAR)
27 sentyabr 2019 - 15:35

Canveten.az xəbər verir ki, Azərbaycan Dövlət Mədəniyyət və İncəsənət Universitetində tanınmış aktyor və rejissor Azərbaycan Respublikasının Xalq artisti, Türkiyənin Adana Çukurova Universiteti Dövlət Konservatoriyasının professoru Cahangir Novruzovla görüş keçirilib.

Tədbiri giriş sözü ilə açan ADMİU-nun rektoru, professor Ceyran Mahmudova aktyoru salamlayaraq, ona xoş arzularını çatdırıb. Rektor qeyd edib ki, Azərbaycan Mədəniyyət və İncəsənət Universitetinin bir çox məzunu Xalq artisti, Əməkdar artist, Əməkdar incəsənət xadimi, Əməkdar mədəniyyət işçisi və s. kimi ölkənin nüfuzlu fəxri adlarını daşıyırlar. Onların bir çoxu bu gün doğma təhsil ocaqlarında pedaqoji fəaliyyətlə məşğuldurlar. Biz bütün məzunlarımızın uğurları ilə qürur duyuruq. Vaxtilə bu universitetdə təhsil almış görkəmli sənətkarlardan biri də Cahangir Novruzovdur. Azərbaycan realist aktyor məktəbinin banisi Cahangir Zeynalovun, səhnəmizin qüdrətli aktrisası, hamının sevimlisi Nəsibə Zeynalovanın yadigarı olan Cahangir müəllimin həm rejissor, həm aktyor, həm də pedaqoq kimi zəngin fəaliyyət yolu var. Görkəmli sənətkarımız uzun illərdir, qardaş ölkə Türkiyədə yaşayır, orada yaradıcı və pedaqoji fəaliyyətini davam etdirir. Bu günlərdə Mədəniyyət naziri cənab Əbülfəs Qarayev Cahangir müəllimə "Xalq artisti" adının nişanını və vəsiqəsini təqdim edib və dövlət başçısının sərəncamı ilə yüksək fəxri ada layiq görülməsi münasibətilə sənətkara təbriklərini çatdırıb. Biz də Bakıda olmasındanistifadə edərək, Cahangir müəllimlə görüşmək təşəbbüsü ilə çıxış etdik. Sağ olsun, dəyərli vaxtını Mədəniyyət və İncəsənət Universitetinə ayırmağa razı oldu. Düşünürəm ki, görkəmli sənətkarla görüş, onunla ünsiyyət tələbələrimiz üçün çox səmərəli olacaq.

Cahangir Novruzov təbrikə və bu görüşün təşkilinə görə ADMİU-nun rəhbərliyinə və kollektivinə təşəkkürünü bildirib. Qeyd edib ki, bu universitet həmişə onun üçün doğma olub.

Aktyor sənətə gəlişi, çəkildiyi filmlər, rol aldığı tamaşalar və yaratdığı obrazlar haqqında, Türkiyədəki fəaliyyəti, milli kino və teatr sənətinin hazırkı durumu və inkişaf perspektivləri barədə danışıb, tələbələrin suallarını cavablandırıb.

ADMİU-da pedaqoji fəaliyyətlə məşğul olan sənət dostları həmkarları ilə bağlı xatirələrini bölüşüb, dostluq münasibətlərindən söhbət açıblar.

2 saatdan artıq davam edən səmimi görüşün sonunda ADMİU-nun kollektivi  Cahangir  Novruzovla xatirə fotosu çəkdirib və sevimli aktyoru alqışlarla yola salıb.


 

Sosial şəbəkələrdə paylaş:
Masallı kitabxanasının 100 illik yubileyi 21:47, 23 aprel 2024
Masallıda görkəmli bəstəkarın yubiley tədbiri 15:12, 22 aprel 2024
Masallıda şəhid İnqilab Nağıyevin xatirəsi anılıb 15:05, 17 aprel 2024
İki Masallı məktəblisi maksimum nəticə göstərib 18:48, 16 aprel 2024
Bu gün millətin sevimlisi hörmətli Anar Ələkbərovun AD GÜNÜdür... 18:36, 13 aprel 2024
Ən çox oxunan müəlliflə görüş – II Kitab Sərgisi çərçivəsində 17:29, 08 aprel 2024
Aprel şəhidinin xatirəsi anılıb - Masallıda 00:48, 06 aprel 2024
Masallı məktəblərində Aprel döyüşlərilə bağlı tədbirlər keçirilib 21:23, 05 aprel 2024
Şəhid Qəhrəman İsmayılovun doğum günü qeyd olunub – Masallıda 23:51, 04 aprel 2024
Şəhid Elşən Bəşirovun xatirəsi anılıb – Masallıda 20:14, 03 aprel 2024
“Zəfərə gedən yol” – Masallıda tədbir 19:12, 03 aprel 2024
Masallılı karateçi qardaşlar respublika birinciliyinin qalibidir 12:47, 31 mart 2024
Masallı məktəblərində Azərbaycanlıların Soyqırımı Günü ilə bağlı tədbirlər keçirilib 14:58, 30 mart 2024
Kənd təsərrüfatı nazirinin müavini Masallıda vətəndaşları qəbul edib, fermerlərlə görüşüb 12:33, 30 mart 2024
Əliməmməd Nuriyev “Heydər Əliyevin 100 illiyi (1923-2023)” yubiley medalı ilə təltif olunub 23:19, 29 mart 2024
“Sağlamlıq körpüsü” layihəsi – Masallıda 20:59, 29 mart 2024
Masallıda iftar süfrəsi açılıb 19:55, 28 mart 2024
Azərbaycanda vətəndaşlar sağlam və təhlükəsiz formada yaşayır və yaşayacaqlar 13:28, 27 mart 2024
Qəhrəman tank komandiri 21:18, 24 mart 2024
Masallıda şəhid Sahil Babayevin xatirəsi anılıb 20:12, 21 mart 2024
 

Bütün hüquqlar qorunur © 2024

Haqqıımızda | Saytda reklam | Bizimlə əlaqə