"BMC Medicine" elmi jurnalı qarın nahiyəsindəki piylərdən qurtulmağa kömək edən qidaların siyahısını dərc edib

 Canveten.az  ölkə.az-a istinadən xəbər verir ki, tərkibində zülal çox olan qidalar piylərdən qurtulmağa kömək edir. Bu siyahıya yumurta və toyuğun döş əti, tuna balığı, badam, qara mərcimək daxildir. Bu qidalar maddələr mübadiləsini sürətləndirir və yeməyə olan həvəsi azaldır.

Alimlər qeyd edirlər ki, faydalı qida qəbul etməklə yanaşı, zərərli qidadan imtina etmək də lazımdır. Zülal yağları əridən molekullara görə faydalıdır. Amma onların sintez olunması üçün kifayət qədər kalori qəbul etmək vacibdir. Dietoloqlar eyni zamanda qidanın hazırlanmasına da diqqət çəkiblər. 

Kaliforniya universitetinin alimləri isə qarın piyindən qurtulmaq istəyənlərə məsləhət görürlər ki, tərkibində doymuş yağ miqdarı az, sellüloz çox olan qidalara üstünlük versinlər. Belə qidalanma ürək-damar xəstəlikləri riskinin də azalmasına kömək edir.

Bunun üçün insanlar tərəvəz, meyvə, paxlalı bitkilər qəbulunu artırmalı, yağlı ət və un məmulatlarından imtina etməlidirlər.

Cənubi Koreya alimlərinin tədqiqatı zamanı məlum olub ki, qara düyü artıq çəki ilə mübarizə aparmağa kömək edir. Laboratoriyada sınaq siçanları üzərində təcrübə aparılıb. Eksperiment dövründə siçanları qara düyü ilə yemləyiblər. Məlum olub ki, qara düyü qara ciyərdə lipidlərin və piyin toplanmasının qarşısını alır. Bundan başqa qara düyü xolesterin miqdarını azaldır.

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )