“Biz zəif oynaya bilərik, inamlı olmaya bilərik, lakin biz meydandan döyüşsüz çıxa bilmərik”.

Bu sözləri “Qarabağ”ın baş məşqçisi Qurban Qurbanov komandasının Macarıstanda “Ferentsvaroş” klubunu məğlub etməsindən sonra geyinib-soyunma otağında futbolçularla söhbəti zamanı deyib. Oyundan sonra qələbə çıxışı edən Qurbanov bunları söyləyib:

“Biz udmağı da, onu qeyd etməyi də bacarmalıyıq. Meydanda sadə, ürəkli və cəsarətli olmalıyıq. Belə də olmalıdır, çünki bu, “Qarabağ”dır. Çünki biz bütün ölkəni “Qarabağ”la təmsil edirik”.