Rusiya və Ukrayna 10 əsir əsgərini dəyişdirib.

Bunu Ukraynanın baş nazirinin müavini, nəzarət olunmayan ərazilərin reinteqrasiyası üzrə nazir İrina Vereşçuk deyib.

Baş nazirin müavini əlavə edib ki, Ukrayna Odessa yaxınlığında gəmidən xilas edilən 11 rusiyalı mülki dənizçini ruslara göndərib. Öz növbəsində 19 mülki dənizçi İlan adasında əsir götürülən "Sapphire" xilasedici gəmisindən Ukraynaya qayıdacaq: "Mübadilə şərtlərinə əsasən, xilasedici gəminin özü də Ukraynaya qaytarılacaq və Türkiyə limanına göndəriləcək".

Bundan əvvəl Rusiya ilə Ukrayna arasında iki əsir mübadiləsi aparılıb.