Fransanın paytaxtı Parisdə xard örtüklü açıq kortda keçirilən və mükafat fondu 3.901.250 avro təşkil edən "Masters" turniri başa çatıb. Turnirin qalibi adını isə həlledici finalda almaniyalı tennisçi Aleksandr Zverevi 5:7, 6:4, 6:1 hesabla məğlub edən rusiyalı Daniil Medvedov qazanıb. Bu qələbə ilə o, Zverevlə öz arasında keçirilən oyunlarda qeydə alınan 1:5 hesabı 2:5-ə yendirməklə yanaşı, həm də karyerasında 3-cü dəfə "Masters"in qalibi adına layiq görülüb. Qeyd edək ki, cari məvsümdə ilk titulunu əldə edən Daniil bununla karyerasında qazandığı titulların sayını 8-ə çatdırıb. Bu qələbədən sonra rusiyalı raketka ustası reytinq cədvəlindəki mövqeyini də yaxşılaşdırıb. Beləki, Paris turnirinə reytinq cədvəlinin 5-ci pilləsində qatılan Medvedev indi 4-cü pillədəki "Tenis Kralı" ləqəbini daşıyan isveçrəli Roje Federeri bir pillə aşağı salmaqla onun yerinə qalxıb. Ondan fərqli olaraq, yarımfinalda dünyanın 2 nğmrəli raketka ustası olan ispaniyalı Rafael Nadalı məğlub edərək finala çıxan Zverev isə reytinq cədvəlində yerində sayıb (7-ci yer), "Masters"dən sonra reytinq cədvəlində vəziyyət belə olub (Top-10): Yeri Tenisçi (ölkəsi) Xalı
1 (1) Novak Cokoviç (Serbiya) 11830
2 (2) Rafael Nadal (İspaniya) 9850
3 (3) Dominik Tim (Avstraliya) 9125
4 (5) Daniil Medvedev (Rusiya) 6970
5 (4) Roje Federer (İsveçrə) 6630
6 (6) Stefano Tsitsipas (Yunanıstan) 5925
7 (7) Aleksandr Zverev (Almaniya) 5525
8 (8) Andrey Rublev (Rusiya) 3919
9 (9) Dieqo Şvartsman (Argentina) 3455
10 (10) Matteo Berretino (İtaliya) 3075
İNTİQAM MƏMMƏDOV
Bütün hüquqlar qorunur © 2024