Təqvim
“AzRusTrans” QSC Koronavirusla Mübarizəyə Dəstək Fonduna vəsait ayırdı
27 mart 2020 - 12:28

“Azərbaycan Dəmir Yolları” QSC-nin və “Rusaqrotrans” SC-nin birgə müəsissəsi olan “AzRusTrans” QSC korporativ sosial məsuliyyəti çərçivəsində koronavirus (COVID-19) xəstəliyinin ölkə ərazisində yayılmasının qarşısının alınması, vətəndaşların sağlamlığının qorunması məqsədilə Azərbaycan Respublikasının Prezidenti İlham Əliyevin sosial həmrəylik nümayiş etdirilməsi barədə tövsiyələrinə uyğun olaraq irəli sürülən təşəbbüsə qoşulub. “AzRusTrans” QSC ölkə başçısı cənab İlham Əliyevin 19 mart 2020-ci il tarixli Fərmanı ilə yaradılmış Koronavirusla Mübarizəyə Dəstək Fonduna 50 000 manat məbləğində vəsait ayrılıb. “AzRusTrans” QSC koronavirus infeksiyası (COVID-19) ilə mübarizə çərçivəsində vətəndaşları Nazirlər Kabineti yanında operativ qərargahın təlimatlarına ciddi riayət etməyə, yaşlı insanların qayğısına qalmağa, zərurət olmadığı təqdirdə evdən çıxmamağa və ictimai yerlərə toplaşmamağa çağırır. Qeyd edək ki, “Azərbaycan Dəmir Yolları” QSC-nin və “Rusaqrotrans” SC-nin birgə müəsissəsi olan “AzRusTrans” QSC nəqliyyat-logistika sektorunun ayrılmaz bir hissəsi kimi, qlobal pandemiya şəraitində fəaliyyətini davam etdirərək, idxal, ixrac və Azərbaycan ərazisindən keçən tranzit yüklərinin nəqlini həyata keçirir. Şirkətin əməkdaşları məsafədən iş rejimi ilə çalışırlar.

Sosial şəbəkələrdə paylaş:
Kateqoriya:
SİYASƏT, TURİZM

Bütün hüquqlar qorunur © 2024

Haqqıımızda | Saytda reklam | Bizimlə əlaqə