Təqvim
"İtaliyaya səfərimiz zamanı... " - MÜSAHİBƏ (+FOTOLAR)
11 iyun 2019 - 19:13

Bildiyiniz kimi, Sport7.az saytı ölkəmizdə fəaliyyət göstərən Avropa klublarının rəsmi fan-klublarına da tribuna ayırıb.

Bu dəfə İtaliya "İnter"inin fan-klubunun rəsmisi Ruslan Şirinov ilə söhbətləşdik.


 

- Əvvəlcə fan-klubun yaranma tarixindən bəhs edin. Neçənci ildə, kimin təşəbbüsü ilə yaranıb?


- Biz rəsmiləşməzdən əvvəl, 2011-ci ildən etibarən ilk "facebook" səhifəmizi açımışıq. Məqsədimiz bu səhifə vasitəsi ilə bütün azarkeşlərimizi tapıb bir yerə toplamaq və azarkeşlərimizə öz dilimizdə sevimli klubumuz barədə xəbərlər çatdırmaq idi. Buna nail olduq. Getdikcə sayımız artdı, bizi tapdılar və artıq rəsmi fan-klubumuz yaratmaq qərarına gəldik. Kamran bəy, Cavid bəy və mən 2017-ci ildə həm buradakı azarkeşlərimiz və eyni zamanda "İnter" klubu ilə danışıqlar aparmağa başladıq. "İnter'lə danışıqları hazırda fan-klubumuz prezidenti olan Kamran bəy apardı və hətta Milan şəhərinə də səfər etdi. 2017-ci ilin dekabr ayında "İnter" öz rəsmi saytı vasitəsi ilə "İnter Club Azerbaijan"ı tanıdığını ictimaiyyətə bildirdi. Hazırda fan-klubumuzun 45 rəsmi üzvü var. Amma bu heç də bizim bütün Azərbaycandakı azarkeşlərimizin sayı deyil, çünki qeydiyyatdan keçməyən və qeyri-rəsmi yüzlərlə üzvümüz var və onlarla da tez-tez görüşürük.


- Fan-klubunuz bu vaxtadək nə kimi yeniliklər edib, maraqlı addımlar atıb?


- Biz rəsmi fan-klub olan gündən "böyük" və "kiçik" olmasından asılı olmayaraq, bütün oyunlarda yığışıb dəstəkləmişik və bunu üçün özümüzə məxsus məkanı olan ilk fan-klubuq. Azəbaycanda fəaliyyət göstərən bir neçə şirkətlə əməkdaşlıq etməyə başlamışıq. Bu da bizim rəsmi üzvlərimizə əlavə üstünlüklərdir. Hotel, mobil operator və idman geyimləri mağazası kimi tərəfdaşlarımız var və rəsmi üzvlərimiz bundan faydalanır. Yeni əməkdaşlıqlar üçün də danışıqlar aparırıq. Bayram tədbirlərində üzvlərimizlə ailəvi olaraq görüşüb, bayramları qeyd edirik. Yeri gəlmişkən qeyd etmək istərdim ki, ən yaşlı üzvümüzün 41, ən kiçik üzvümüzün 2 yaşı var. Üzvlərimiz hər il, (hamısı olmasa da) Milana səfər edir və "İnter"in oyununa baxa bilir. Xüsusi olaraq qeyd etmək istərdim ki, fan-klubumuz prezidenti Kamran bəy "İnter"in təşkil etdiyi tədbirlərdən birinə dəvət almışdı və orada ölkəmizi təmsil etmişdi. Baxmayaraq ki, Azərbaycanda biz İtaliyanın "İnter" klubunu təmsil edirik, İtaliyaya səfərimiz zamanı Azərbaycanı təmsil edirik.


Bundan başqa, hər yeni il bayramında öz üzvlərimizlə birgə topladığımız maddi yardımı Bakıda yaşayan az təminatlı ailələrdən birinə çatdırırıq.

Bir də əlavə etmək istərdim ki, "İnter"in əfsanələri Bakıya səfər edərkən, biz "Inter Club Azerbaijan" olaraq hər iki əfsanəmizlə görüşmüşdük. Hər iki əfsanəmiz fan-klubumuz bayrağına öz imzalarını atıb.

 

- Bəs İtaliyaya oyuna gedən üzvlərinizə klub nə kimi dəstək göstərir?


- "İnter" bütün rəsmi fan-klublarına seçilmiş bir oyunda yer ayırır. Yəni, həmin oyuna biz gediriksə, giriş rəsmi üzv üçün pulsuzdur. Bundan başqa, istənilən vaxt İnter Store"da edilən alış-verişə nəzərə çarpacaq endirim edir. Bunun üçün rəsmi üzv olduğunuzu təsdiq edən vəsiqəni təqdim etməniz kifayətdir. Amma İtaliyaya getmək üçün üzvlərimiz özləri pul xərcləyir.


- Bəs Bakıda oyunları harada izləyirsiniz?


- Bakıda oyunları ilk olaraq oyunlarımıza bir neçə il özümüzə məxsus Azadlıq Prospekti metrosu yaxınlığında "BlackBlue" adlı kafemizdə baxırdıq. Sonra müəyyən səbəblərə görə həmin məkanı tərk etmək məcburiyyətində qaldıq. Son mövsümə Qələbə dairəsi yaxınlığında "Sports PubBar"da baxdıq. Amma yəqin ki, növbəti mövsümü fərqli məkanda izləyəcəyik. Bunun üçün yayda bir neçə məkanı nəzərdən keçirəcəyik.

 

- Oyunu izləməyə nə qədər azarkeş gəlir?


- Elə vaxt olub, kiçik oyunlarda məsələn 10 nəfər olmuşuq. Amma əsas oyunlarda, yəni derbilərdə 40, 55 və hətta 75 nəfər də olmuşuq. Bu mövsüm bir neçə mərkəzi oyunumuz İdman Azərbaycan kanalı tərəfindən lentə də alınıb.


- Bəs siz nə vaxtdan "İnter" azarkeşisiniz? Ümumiyyətlə, niyə məhz "İnter"i sevmisiz?


- 2001-ci ildən "İnter" azarkeşiyəm. Amma məhz "İnter"i niyə sevmişəm cavabı verə bilməyəcəm. (gülür)...Çünki sevginin səbəbi olmamalıdır. Çox fikirləşmişəm bəlkə rənglərə, bəlkə hansısa oyunçuya görə. Amma səbəb tapa bilməmişəm. Sadəcə sevmişəm. Necə deyərlər qanımızın rəngi qara və göydür.

 

- Hazırda sevimli komandanızın gücünü, səviyyəsini necə qiymətləndirirsiniz?


- Hazırda "İnter"in uğura doğru irəlilədiyini düşünürəm. Kontenin də baş məşqçi təyin edilməsindən sonra bu inam bizdə birə beş arıtır. İki ildir artıq ardıcıl Çempionlar Liqasına vəsiqə qazanırıq. Klubun sahibi "Suning" də artıq başa düşür ki, minimum hədəflərlə qane olmaq olmaz və komandanın ən azı milli çempionatda uğura ehtiyacı var. Buna görə də komandanın başına iddialı Konteni gətirib. Son bir neçə ildə olmadığımız qədər iddialıyıq. Yay transfer pəncərəsini də uğurlu keçirəcəyimiz təqdirdə bu iddiamız öz təsdiqini tapacaq.

 

Röya Kərimli
Sport7.az 

Sosial şəbəkələrdə paylaş:
Kateqoriya:
BI+
AVTOMOBİL QƏZASI QAZ TƏSƏRRÜFATINA ZİYAN VURDU (+FOTOLAR) 17:20, 08 noyabr 2019
Daşsalahlı-Ürkməzli-Dəmirçilər avtomobil yolu yenidən qurulub (+FOTOLAR) 17:11, 08 noyabr 2019
EU4Digital təşəbbüsünün internet səhifəsi Azərbaycan dilində istifadəyə verildi 14:03, 08 noyabr 2019
Ədliyyə orqanları tərəfindən uşaqlara qayğı göstərilir (+FOTO) 12:47, 08 noyabr 2019
XIZI ƏRAZİSİNDƏ GEOMORFOLOJİ TƏDQİQAT APARILIB (+FOTOLAR) 12:43, 08 noyabr 2019
Mina Abbasovanın növbəti qızıl medalı - bu dəfə Rumıniyada (+FOTOLAR) 12:34, 08 noyabr 2019
Raket və artilleriya bölmələri döyüş atışları icra edib (+FOTOLAR, +VIDEO) 02:56, 08 noyabr 2019
Bakı-Şamaxı magistralının 16 km-lik hissəsinin genişləndirilməsi yekunlaşır (+FOTOLAR) 03:16, 06 noyabr 2019
Ehtiyat hissəsində gizlədilən narkotik vasitə aşkar edildi (+FOTO, VIDEO) 03:04, 06 noyabr 2019
“Bugün Azərbaycan müstəqillik qazandıqdan bəri ən gözəl dövrünü yaşayır.” - Məhsəti Hüseynova (+VIDEO, +FOTO)12:45, 05 noyabr 2019
Azərbaycanla Öbəkistan arsında mədəniyyət sahəsində əlaqələrin dərinləşdirilməsi məsələləri müzakirə edilib (+FOTOLAR) 12:40, 05 noyabr 2019
Naxçıvan Bölməsinin elmi-tədqiqat müəssisələrində müvafiq vəzifələri tutmaq üçün seçkilər keçirilib (+FOTO) 12:30, 05 noyabr 2019
Sumqayıt şəhərinin 70 illik yubileyi (+FOTOLAR) 12:23, 05 noyabr 2019
Ağdamda məcburi köçkün uşaqlar üçün tibbi aksiya keçirilir (+FOTOLAR) 12:17, 05 noyabr 2019
Əlini mənə ver , dostum (+FOTOLAR) 12:09, 05 noyabr 2019
Ağdam teatrının yeni uğuru (+FOTOLAR) 12:00, 05 noyabr 2019
Daşkənddə keçirilən “Özbək dilinin tərəqqisi, türkologiya və bu sahədə beynəlxalq həmkarlıq məsələləri” adlı Beynəlxalq konfransda Azərbaycan da təmsil olunub (+FOTOLAR) 03:02, 02 noyabr 2019
Bakıda MDB Müdafiə Nazirləri Şurasının növbəti iclası keçirilir (+FOTOLAR, +VODEO) 02:21, 02 noyabr 2019
Azərbaycanın Müdafiə naziri: MDB Müdafiə Nazirləri Şurasının iclasının Bakıda keçirilməsi mühüm əhəmiyyətə malikdir01:53, 02 noyabr 2019
Hərbi atteşelər BDU-da olublar (+FOTOLAR) 02:00, 01 noyabr 2019
 

Bütün hüquqlar qorunur © 2019

Haqqıımızda | Saytda reklam | Bizimlə əlaqə