Təqvim
AKİF AŞIRLI - 50
16 fevral 2019 - 13:48

Azərbaycan mətbuatında, elmində, ictimai-siyasi mühitində öz dəsti-xətti ilə seçilən, öz çəkisi və mövqeyi olan dostum, dəyərli ziyalı Akif Aşırlının doğum günüdür. 50 yaşı tamam olur.

Akif Aşırlı deyəndə heç şübhəsiz, ilk növbədə yada düşən “Şərq” qəzetidir. Akifin adı çəkiləndə neçə-neçə kitablar, elmi tədqiqatlar da göz önünə gəlir. Onun tarix üçün etdikləri haqqında ayrıca söz açılacaq, geniş danışılacaq mövzudur. Amma hesab edirəm ki, Akif Aşırlı imzasını Azərbaycanın ictimai rəyinə qazandıran jurnalistikadır, elə “Şərq”in özüdür.

Akif Aşırlı şərəfli və ləyaqətli simadır, jurnalistikada peşəkarlıq örnəyidir, məktəb yaratmış baş redaktordur. Akif Aşırlı eyni zamanda qayğıkeşdir, sadəqətlidir, prinsipialdır. Daxili təmizliyindən, saflığından irəli gələn çılğınlığı var.

50 yaşlı dostum əsl ideya adamıdır. Vətənpərvərliyini, doğma yurd-yuvasına, soykökünə bağlılığını yaradıcılıq müstəvisinə gətirməyi bacaran bütövlük nümunəsidir. Həm həssas yanaşmasına söykənən peşəkarlığına, həm də daxili keyfiyyətlərinə görə dostlarının, onu tanıyan hər kəsin sevimlisidir. Onu tanıyanlar və sevənlər isə əminəm ki, çoxdur.

Akif Aşırlını ürəkdən təbrik edirəm. Yaşadığı mənalı ömrü uzun olsun. Arzu edirəm ki, onu hər zaman sağlam və gümrah görək. 50 yaşının sevinc payı yeni yaradılıcıq uğurları da gətirsin. Nəcib əməllərə köklənmiş bu Vətən oğlunun uğurlarının davamlılığı ölkəmiz üçün faydalıdır.

50 yaşın mübarək, əziz dost! 

 

ƏFLATUN AMAŞOV

 

***

 

"Şərq"də gözəl bir gün, bayramdı. Kapitanımız Akif Aşırlının yubiley yaşına - "50"yə salam dediyi gündür.

Hardan baxsaq ŞƏRQ görünür.

Oturuşu, duruşu, danışığı ilə qoca şərqin əzəmətini, məğrurluğunu canında yaşadan böyük türkçü, ziyalı, gözəl qələm sahibini təkcə biz sevmirik.

Onu sevən minlərlə gözü yolda olan oxucusu, yüzlərlə tələbəsi, bir o qədər dostu, qardaşı var. Doğum günün qutlu olsun, əziz insan. Hələ qabaqda neçə-neçə uğurlar bizi gözləyir. Bu məmmləkətin sizin kimi aydınlara ehtiyacı var, bir daha yubiley yaşın mübarək olsun!

 

YUSİF NƏZƏRLİ

 

***

 

Akif Aşırlı bu məmləkətin qazancı olan şəxsiyyətlərdəndir. Varlığı, kimliyi, fəaliyyəti ilə cəmiyyətə urvat gətirən Akif bəyin kübar xarakterli davranışı onun düşüncəsinə, qələminə, baş redaktoru olduğu "Şərqi"nə hopub və bu insanın imzası altında təqdim olunan hər şey - əsəri olan qəzet də, yazdığı məqalələr də, tələbələrə keçdiyi dərslər də, şanlı tariximizə həsr etdiyi kitablar da, faktlarını dənə-dənə topladığı mətbuat muzeyi də, Azərbaycan dəyərlərini özündə göz bəbəyi kimi qoruyan salnamədir. 
Varlığınız mübarək, Hoca. Sizinlə ünsiyyətdə olduğum hər anı ömrümə qənimət bilirəm. Daha sağlam, daha rahat yaşamağınız bizim - jurnalistlərin, oxucuların və Sizi tanıyan hər kəsin xeyrinədir. Bütün sabahlarınız xeyirli günlərə açılsın, DƏRDİŞ adam!

 

CEYHUN MUSAOĞLU

Sosial şəbəkələrdə paylaş:
Kateqoriya:
ƏDƏBİYYAT
Gülağa Tənha bir il sonra16:15, 19 fevral 2020
Gülağa Tənha Qocalar evi12:54, 18 fevral 2020
Gülağa Tənha sevgi və ailə haqqında18:17, 17 fevral 2020
Gülağa Tənha SEVGİ15:02, 14 fevral 2020
Gülağa Tənha Allaha inam14:00, 13 fevral 2020
Gülağa Tənha "Bu kənd məni tanımadı"13:02, 12 fevral 2020
İlham Əliyev Xalq artisti Əlibaba Məmmədova Şərəf ordenini təqdim edib - 18:15, 11 fevral 2020
Gülağa Tənha haqqında deyilənlər13:49, 11 fevral 2020
Gülağa Tənha " Barmaqların hikməti "12:34, 10 fevral 2020
Deputatlığa namizəd Nizami Cəfərov Ağstafanın Aşağı Göycəli, Xətai və Aşağı Kəsəmən kəndlərində seçicilərlə görüşüb 15:33, 07 fevral 2020
Gülağa Tənha Xəzər televiziyasının canlı yayımında14:55, 07 fevral 2020
Deputatlığa namizəd Nizami Cəfərov Ağstafa şəhərində ağsaqqal və ziyalılarla görüşü 15:44, 06 fevral 2020
Gülağa Tənha Tarixi görüş13:56, 06 fevral 2020
“Qürbətdən Vətən Sədaları: İsrail-Azərbaycan” layihəsi baş tutdu 16:22, 05 fevral 2020
Bəhrəmtəpə-Biləsuvar avtomobil yolunun yenidən qurulması bu il yekunlaşacaq 16:17, 05 fevral 2020
Müdafiə naziri HDQ-nin müasir Dalğıc Təlim Poliqonunun açılışında iştirak edib 16:14, 05 fevral 2020
Naxçıvan Qarnizonu qoşunlarında gənc əsgərlər Vətənə sədaqət andı içiblər 16:06, 05 fevral 2020
Nar qabıqlarını ZİBİL Qutusuna ATMAYIN! - 10 dəqiqə qaynadıb içsəniz. 15:36, 05 fevral 2020
Qoşunlarda yeni tədris dövrü başlayıb 15:33, 05 fevral 2020
Gülağa Tənha düşüncəsi13:37, 05 fevral 2020
 

Bütün hüquqlar qorunur © 2020

Haqqıımızda | Saytda reklam | Bizimlə əlaqə