Şəhid Elşən Bəşirovun xatirəsi anılıb – Masallıda

Masallı rayonunda Birinci Qarabağ müharibəsi şəhidi Elşən Bəşirovun (26.11.1973-02.04.1993) anım tədbiri keçirilib. 
Şəhidin vaxtilə təhsil aldığı Təklə kənd tam orta məktəbində təşkil olunan tədbirdə 
Elşən Bəşirovun şərəfli ömür və döyüş yolundan danışılıb.
Bildirilib ki, şəhid Bəşirov Elşən Dənizxan oğlu 26 dekabr 1973-cü ildə Masallı rayonunun Təklə kəndində anadan olub. 1990-cı ildə həmin kənddəki tam orta məktəbi bitirib. 1992-ci ildə hərbi xidmətə çağırılıb. Gəncə batalyonunun tərkibində Ağdərə bölgəsində qəhrəmanlıqla döyüşüb. 1993-cü il aprelin 2-də Ağdərə uğrunda gedən döyüşlərdə şəhid olub. Təklə kənd qəbiristanlığında dəfn olunub. Subay idi. 
Anım tədbirində məktəblilər vətənpərvərlik mövzusunda şeirlər söyləyiblər.
Sonda şəhidin məzarı ziyarət edilib.

Akif AĞAYEV