7-8 noyabr günlərində Rusiya Federasiyasının paytaxtı Moskvada sərbəst güləş üzrə Qran-Pri keçirilib. Turnirdə Azərbaycan da daxil olmaqla 9 ölkəni (Rusiya. Türkiyə, Qırğızıstan, Rumıniya. Makedoniya, Argentina, Özbəkistan və Bəhreyn) təmsil edən pəhləvanlar mübarizə aparıblar. Yarış Azərbaycan idmançıları üçün uğurlu olub. Belə ki, böyük məşqçi Zəlimxan Hüseynovun rəhbərliyi altında bəlli turnirə qatılan yığmamizın üzvlərindən biri qızıl, ikisi gümüş və ikisi də bürünc medal qazanıb. Qızılı bütün görüşlərini qələbə ilə başa vuran Şamil Zubairov (97 kq) qazanıb. Gümüş medallar yalnız həlledici finalda büdrəyən İslam Bazarqanovla (57 kq) Davud İbrahimovun (65 kq), "bürünclərsə" Gitinoməhəmməd Hacıyevlə (74 kq) Osman Nurməhəmmədovun (86 kq) aktivinə yazılıb. Turnirdə daha bir təmsilçimiz - beynəlxalq dərəcəli hakim Sədi Quliyevsə ölkəmizi ədalət qoruyucusu kimi təmsil edib.
İNTİQAM Məmmədo