27 may 2024 - 19:16

Masallının volleybolçu qızları region çempionudur

Lənkəran-Astara Regional Gənclər və İdman İdarəsinin təşkilatçılığı ilə 28 May – Müstəqillik Gününə həsr olunmuş Lənkəran-Astara regionu (Lənkəran, Astara, Masallı, Cəlilabad, Lerik, Yardımlı) üzrə Spartakiada davam edir.
Mayın 27-də, Masallı Olimpiya İdman Kompleksində qızlar arasında voleybol idman növü üzrə keçirilən region turnirinə yekun vurulub.
Yarışların nəticəsinə əsasən Masallı rayon komandası birinci, Yardımlı rayon komandası ikinci, Lənkəran rayon komandası üçüncü yerə layiq görülüb.
Qalib komandalar təşkilat komitəsinin medal və diplomları ilə təltif olunub.

Akif AĞAYEV