Təqvim
Bursadakı yarışmada dostluq qalib gəldi...
31 dekabr 2023 - 12:55

Bursada Türkiyə-Azərbaycan şəhidlərinin xatirəsinə şahmat turniri keçirilib

 

Türkiyə Gənclər və İdman Nazirliyinin, Türkiyə Şahmat Federasiyası Bursa vilayəti şöbəsinin, Osmanqazı bələdiyyəsi və idman idarəsinin, Türkiyə Qazi və Şəhid Ailələri Vəqfi (TÜGŞAV) Bursa şöbəsinin dəstəyi, GİM AZDER və Dörd ÜNSÜR dərnəklərinin təşkilati dəstəyilə Türkiyə Cümhuriyyətinin 100 illik yubileyi, Türkiyə və Azərbaycan şəhidlərinin xatirəsinə həsr olunmuş “Dostluq” beynəlxalq şahmat turniri keçirilib.
Bursa şəhərində fəaliyyət göstərən “Gələcəyin İnsanları və İmkanları Məkanı “Azərbaycan Deyincə” dərnəyinin (GİM AZDER) sədri, turnirin təşkilatçısı Hüseyn Vəliyevdən aldığımız məlumata əsasən bildiririk ki, “Deneyim” şahmat məktəbində keçirilən turnirdə bursalı mühəndis, müəllim və şagirdlər, Bursa Uludağ Universitetinin azərbaycanlı tələbələri, o cümlədən Türkiyə və Azərbaycanda tanınmış şair Mircavad Axıskalı, yazıçı Tahircan Kujulov, riyaziyyat müəllimi Eyvaz Məmmədov, şahmat müəllimi Zaur Rzayev və digər şahmatsevər həmyerlilərimiz iştirak ediblər. 
Açılış mərasimində turnirin mahiyyəti barədə açıqlama verən Türkiyə Şahmat Federasiyasının Bursa nümayəndəsi Mehmet Durak Azərbaycanla Türkiyə arasında dostluq, qardaşlıq və müttəfiqlik münasibətlərinin əbədi olacağını, təşkil olunan idman tədbirinə gələcəkdə bütün Türk dünyası ölkələri nümayəndələrinin dəvət ediləcəyini diqqətə çatdırıb.
Çıxışına böyük Fərabinin ”Şahmat şeir və sənət kimi düşünmək tələb edir!”, Nizamülmülkün “Şahmat hökmdarlar və aydın insanlar üçün üstün zəka oyunudur, düşünmək tələb edir! Düşünmək isə çətinliyə qalib gəlmək deməkdir!” sözlərilə başlayan GİM AZDER dərnək sədri,  həmyerlimiz Hüseyin Vəliyev beynəlxalq idman tədbirinin təşkilində dəstək göstərənlərə, o cümlədən Türkiyə Şahmat Federasiyası Bursa vilayəti şöbəsinin sədri Mehmet Duraka, Dörd ÜNSÜR dərnək sədri Vəfa Aktuz (Gəncə şəhərində anadan olub) xanıma minnətdarlığını bildirib, bu idman növünün insan həyatındakı önəmini vurğulayıb.
TÜGŞAV vəqfi Bursa şöbəsinin sədri, Kıbrıs qazisi Fikri Özder qeyd edib ki, şəhidlərin unudulmaması yönümündə bu cür mənəvi dəstək ruhlu tədbirlərin təşkili əbədiyaşar qəhrəmanlarımıza və onların ailələrinə hər birimizin ehtiram və diqqət nümunəsidir.  
Azərbaycan komandasının kapitanı, 11 yaşlı məktəbli, azyaşlı uşaqlar arasında Bursa ikincisi İnci Hüseynli (Cəbrayıl rayonunda anadan olub) olmaqla 16 azərbaycanlı və 16 türkiyəli zəka sahibinin qatıldığı turnir Bursa ictimaiyyəti, Türkiyə şahmatsevərləri tərəfindən rəğbətlə qarşılanıb.
Birlik və dostluğun qalib gəldiyi turnirin sonunda bütün iştirakçılara Türkiyə Şahmat Federasiyasının xatirə medalları, komanda kapitanlarına kubok, TÜGŞAV vəqfi Bursa şöbəsi tərəfindən kapitan və təşkilatçılara “Təşəkkürnamə”lər təqdim edilib. 

 

Akif AĞAYEV

Sosial şəbəkələrdə paylaş:
Kateqoriya:
Bölmədəki digər xəbərlər:
Masallı güləşçiləri Bakıdan 11 medalla geri dönüb 19:07, 04 mart 2024
Təzə Alvadıda qaz xəttinin çəkilişi işlərinə baxış keçirilib - Masallıda 18:20, 29 fevral 2024
Əzizabad kəndində daha 17 ev təbii qazla təmin edilib - Masallıda 18:12, 29 fevral 2024
Masallılı voleybolçu yenidən ölkə yığmasına rəhbərlik edəcək 15:28, 28 fevral 2024
Xocalı soyqırımının 32-ci ildönümü Masallının təhsil müəssisələrində qeyd edilib 23:39, 26 fevral 2024
Xocalı soyqırımı qurbanlarının xatirəsi Masallıda böyük ehtiramla anılıb 22:00, 26 fevral 2024
...Xocalıya qayıdanacan 19:33, 25 fevral 2024
Fövqəladə hallar naziri Kəmaləddin Heydərov Masallı şəhərində vətəndaşları qəbul edib 12:45, 25 fevral 2024
Taekvondo üzrə ölkə kubokunun açılış mərasimi - Masallıda 21:29, 24 fevral 2024
“Xocalı naləsi” – Masallı Mədəniyyət Mərkəzinin səhnəsində 19:32, 23 fevral 2024
“Xocalı – qan yaddaşımız” – Masallıda tədbir 13:47, 23 fevral 2024
“Erkən nikahın fəsadları” – Masallıda maarifləndirici tədbir 15:41, 22 fevral 2024
Masallı məktəblərində Beynəlxalq Ana Dili Günü qeyd olunub 22:56, 21 fevral 2024
Məktəbliyə zorakılıq edən yeniyetmədən paylaşım: Vecimə də deyil... 01:24, 21 fevral 2024
Separatçılara son ittihamlar elan ediləcək 21:27, 20 fevral 2024
Mədəniyyətə xidmətdə keçən 46 il 22:07, 19 fevral 2024
Ağacəkmə aksiyası – Masallıda 17:49, 19 fevral 2024
QIR-SAQQIZ “MÜSAFİR”LƏR 18:34, 17 fevral 2024
Milli Qəhrəman Səfəralı Məmmədovun xatirəsi anılıb - Masallıda 19:25, 16 fevral 2024
“Biz sağlam həyatı seçirik” – Masallıda tədbir 19:12, 15 fevral 2024
 

Bütün hüquqlar qorunur © 2024

Haqqıımızda | Saytda reklam | Bizimlə əlaqə