Canveten.az xəbər verir ki,  02mart 2019-cu il tarixində AzərbaycanRespublikasının Gənclər Fondunun maliyyə dəstəyi vəAzərbaycan Dövlət Aqrar Universitetinin təşkilati dəstəyi ilə “İllustrasiya və fəaliyyətlər yolu ilə gənclərin ekoloji maarifləndirilməsi və ətraf mühitin qorunması istiqamətində onların bilik və bacarığının formalaşdırılması” adlı layihə çərçivəsində universitetin həyətyanı sahəsində gənclərin iştirakı ilə ağacəkmə aksiyası keçirilib.

Yaşıllaşdırma məqsədilə keçirilən aksiyada Azərbaycan Dövlət Aqrar Universitetinin gənc müəllimləri, layihə rəhbəri Cəfər Cəfərov və bir qrup gənc tələbə kollektivi iştirak ediblər. Aksiya zamanı 100 ədəd müxtəlif növ ağaclar əkilib.Layihə rəhbəri çıxış edərək, yaşıllıqların qorunub saxlanılması, ağacların sayının artırılması və əkilən ağaclara qulluq edilməsi haqqında öz tövsiyyələrini vermişdir. Daha sonra o,gəncləri ətraf mühitdə ekoloji tarazlığın qorunub saxlanılması üçün keçirilən tədbirlər sistemində yaxından iştirak etməyə və əkdikləri ağaclara vaxtlı-vaxtında qulluq etməyə çağırıb.

! © Müəllif hüquqları qorunur ! Məlumatdan istifadə etdikdə istinad mütləqdir ! Məlumat internet səhifələrində istifadə edildikdə müvafiq keçidin qoyulması mütləqdir !!!  

ŞƏRHLƏR :

( Sos.şəbəkədə gedən yazışmanin FOTO-ƏKSİ. Məzmun və qramatik səhvlərə görə redaksiya məsuliyyət daşımır )