20 dekabr 2023 - 18:34

Lənkəran-Astara Regional Təhsil İdarəsində təqdimat olub

Lənkəran-Astara Regional Təhsil İdarəsinin müdiri vəzifəsinə təyin edilən Bəhruz Mehdiyevin təqdimat mərasimi keçirilib.
Təqdimat mərasimində Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov, Lənkəran-Astara Regional Təhsil İdarəsinin əməkdaşları, sektor müdirləri iştirak ediblər.
Eşqi Bağırov təhsilin keyfiyyətinin artırılması istiqamətində ölkədə həyata keçirilən genişmiqyaslı tədbirlərdən danışıb. O, Bəhruz Yusif oğlu Mehdiyevi təyinatı münasibətilə təbrik edərək, Lənkəran-Astara Regional Təhsil İdarəsinin tabeliyində çalışan təhsil işçiləri ilə birlikdə ölkənin təhsil siyasətinin həyata keçirilməsində uğurlar arzulayıb.
Sonra Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov otaqlara baxış keçirib və regional təhsil idarəsinin əməkdaşlarının iş şəraiti ilə tanış olub.