29 oktyabr 2023 - 11:04
Xankəndidə partlayış necə baş verib... - Şahramanyan sirləri açdı
Qarabağda ləğv edilən qondarma qurumun "rəhbəri" olmuş Samvel Şahramanyan Xankəndi yaxınlığında yerləşən yanacaqdoldurma anbarındakı partlayışla bağlı açıqlama verib.
CAN VƏTƏN xəbər verir ki, o, partlayış barədə bəzi təfərrüatları açıqlayıb.
Onun sözlərinə görə, partlayış "Müdafiə Ordusu"nun təcili ehtiyat anbarında baş verib. Anbarda olan yanacaq istifadə olunmayıb və döyüş əməliyyatları zamanı istifadə üçün nəzərdə tutulub.
Partlayış əsas təhlükəsizlik qaydalarına əməl edilməməsi, insanların anbardan yanacağı özbaşına çıxarması səbəbindən baş verib.
"Partlayış nəticəsində ölənlərin sayı demək olar ki, hərbi əməliyyatlar zamanı ölənlərin sayı ilə müqayisə olunur. Ölənlərin əksəriyyəti Xankəndi sakinləridir", - Şahramanyan qeyd edib.
Onun sözlərinə görə, hadisə ilə bağlı Ermənistan İstintaq Komitəsinin Baş Hərbi İstintaq İdarəsində araşdırma aparılır.
Qeyd edək ki, partlayış zamanı 170 nəfər ölüb.