01 avqust 2023 - 19:36

Gülağa Tənha:

DEYİLƏM
.
İlk sevdiyim qıza

 

 

İlk sevgi qəlbimdə əbədi qaldı,
Çılğın gəncliyimi əlimdən aldı,
Ümidim yarpaq tək soldu, saraldı,
Daha əvvəlki tək gülən deyiləm.

.
Sən elə bilirdin sənsiz ölərəm,
Mənim üzüm bərkdi, ölən deyiləm.
Elə incitmisən ürəyimi sən,
Bir daha qapına gələn deyiləm.

.
Pərvanə dolanar şamın başına,
Sevgi məhəl qoymaz ömrün yaşına.
Qayıtsan yenidən on beş yaşına,
Mən sənin sevgini bilən deyiləm.

.
Tənhanın sözünü yadında saxla:
Ömrün keçəcəkdir naləylə, ahla.
Ürəyin nə qədər istəyir ağla,
Axan göz yaşını silən deyiləm.

.
Sumqayıt, dekabr, 1977