11 iyun 2023 - 21:52

“Ərkivan” (Masallı) FK pley-of mərhələsinə vəsiqə qazanıb 

6 oyun 6 qələbə

Azərbaycan Həvəskarlar Futbol Federasiyası 2022-2023-ci illər mövsümünün XXIV ölkə birinciliyi çərçivəsində Masallı rayonunu təmsil edən “Ərkivan” futbol klubu yeni mövsümdə ilkin mərhələnin bütün tur oyunlarını qələbə ilə başa vurub. 
Komanda altıncı turun oyununu iyunun 11-də səfərdə - Bakı şəhərindəki “Abşeron” OİK stadionunda keçirib. Yerli “Gənclər FM” futbol klubu ilə görüş “Ərkivan”ın tam üstünlüyü ilə yekunlaşıb. Masallı təmsilçiləri rəqib komanda üzərində 9:1 hesablı möhtəşəm qələbə qazanıblar.
“D” qrupunda 18 xalla liderlik edən “Ərkivan” (Masallı) FK növbəti 1/4 final pley-of mərhələsinə vəsiqə qazanıb.
 
Akif AĞAYEV