26 iyul 2022 - 14:48

Gülağa Tənha:

Ə G Ə R

 

Könül pərvazlanar, açar qol-qanad,
Ömrü qura bilsən şeytandan azad,
Gözəldi yaşamaq, gözəldi həyat,
İçində gizlənən əgər mələksə.

Yamyaşıl yarpağın sonu xəzəldi,
Doymayan gözlərdi, yedirdən əldi,
Ha deynən, ha danış, mərdlik gözəldi,
Mərdi namərd edər – sınaq çörəksə.

Bizi qara sevda qurban seçibdi,
Eşqin libasını Tanrı biçibdi,
Demə, Əsli-Kərəm vaxtı keçibdi,
Kərəmtək yandırar – sevən ürəksə.

İspaniya, yanvar, 2004