18 fevral 2022 - 15:51

Ermənistanda növbəti dəfə etiraz aksiyası keçirilib.Bu barədə yerli media məlumat yayıb.

Bildirilir ki, erməni sürücülər avtomobil sahiblərinin icbari sığortası sistemi (OSAGO) ilə bağlı dəyişikliklərə etiraz ediblər. Qiymətlərin artırılmasını anormal hal sayan sürücülər İrəvanda Sığortaçılar Bürosunun binası qarşısına toplaşıblar.

- Büronun qiymət artımı ilə bağlı cavabı bizi qane etmir və sığorta qiymətlərinin dəyişməz qalmasını israr edirik. Bilirik ki, bütün dünyada, o cümlədən Ermənistanda iqtisadi böhran var. Lakin bu, bütün tariflərin artırılmasına ehtiyac olması anlamına gəlmir,- aksiya iştirakçılarından biri deyib.

"Avtomobilimin sığortası 140% artacaq. Sığortaçıların maliyyə problemi olduğunu deyirlər, amma heç kim soruşmur ki, mənim maliyyə vəziyyətim necədir? Məsələ bizim xeyrimizə həll olunana qədər mübarizə aparacağıq"- Aksiya iştirakçısı Narine Muradyan deyib.