Çapa göndər
İlham Əliyev Vladimir Zelenski ilə görüşmək üçün sabah Kiyevə səfər edəcək

13 yanvar 2022 - 16:03

Azərbaycan prezidenti İlham Əliyev sabah Ukraynaya işgüzar səfər edəcək, onun prezident Vladimir Zelenski ilə görüşü nəzərdə tutulur.

Bu haqda Ukrayna prezidentinin mətbuat xidməti bildirir.

Məlumata əsasən səfər Zelenskinin dəvəti ilə həyata keçirilir, belə ki, Ukrayna prezidenti ötən ilin dekabrında Brüsselə səfəri zamanı Əliyevlə görüşüb və onu Kiyevə səfərə dəvət edib.

“Yanvarın 14-də Ukrayna prezidenti Vladimir Zelenskinin və ölkəmizdə işgüzar səfərdə olacaq Azərbaycan prezidenti İlham Əliyevin görüşü gözlənilir”, - məlumatda deyilir.