Çapa göndər
Rəhman ORXANdan ŞƏHİD ailələri ilə bağlı TƏKLİF

13 iyul 2020 - 13:56

 Şəhid analarının və ərləri şəhid olan qadınların TƏQAÜDə 65 yox, 55 yaşında çıxarılmalarını təklif edirəm - iş stajından asılı olmayaraq!

Məgər onların dərdi-qəmi azdırmı ki, hələ bir 65 yaşına kimi də işləyib, təqaüdə çıxmalarını göşləsinlər? Onsuz da ömürlük dərd-qəm onları elə 50-55 yaşında da əyəcək, qocaldacaq (təəssüf ki, çoxları bəlkə heç o yaşa da çata bilməyəcəklər). Şəhid anasını və şəhid xanımını əlavə olaraq 10 il də işləməyə məcbur etmək düzgün deyil. Onların ailə, övlad-nəvə qayğıları, problemləri də az olmur axı.
Onu da unutmayaq ki, indi bəyənmədiyimiz sovetlərin dövründə qadınlar təqaüdə 50-55 yaşında çıxırdılar. Özünün xalqa zidd, ziyankar təklifləri ilə əhalinin kinini-küdurətini, nifrətini qazanmış Hadı Rəcəblinin qoyduğu ədalətsiz qaydanı ləğv etmək lazımdır.
İnanmaq istərdim ki, ölkə rəhbərliyi növbəti humanist addım ataraq, bu mühüm məsələnin tezliklə həllinə nail olacaqdır.
P.S. Bu, həm də, az da olsa, işsizliyin müəyyən qədər azadıllmasında, qadınların işlə təminində mühüm rol oynaya bilər.