Çapa göndər
Azərbaycan şairi və mütəfəkkiri İmadəddin Nəsiminin anadan olmasının 650 illik yubileyinə həsr olunmuş tədbir... (+FOTOLAR)

16 mart 2019 - 14:47

15 mart 2019-cu il tarixində  Bülbülün Memorial Muzeyində  Azərbaycan şairi və mütəfəkkiri İmadəddin Nəsiminin anadan olmasının 650 illik yubileyi keçirilmişdir.

Qonaqları salamlayan muzeyin fond müdiri Nigar İsgəndərova  qeyd etdi ki, Azərbaycan Respublikası Prezidentinin “Böyük Azərbaycan şairi İmadəddin Nəsiminin 650 illik yubileyinin qeyd edilməsi haqqında” 2018-ci il 15 noyabr tarixli 689 nömrəli sərəncam imzalamışdır.

Ötən illər ərzində Nəsiminin xatirəsinin əbədiləşdirilməsi istiqamətində silsilə tədbirlər keçirilmiş və onun ədəbiyyatda, incəsənətdə parlaq obrazı yaradılmış, eləcə də 1979-cu ildə ölkəmizin paytaxtında heykəli ucaldılmışdır.

2017-ci ilin may ayında Parisdə YUNESKO-nun baş qərargahında Nəsiminin vəfatının 600 illiyi qeyd edilmiş, 2018-ci ilin sentyabr ayında ölkəmizdə ilk dəfə Nəsimi şeir, incəsənət və mənəviyyat festivalı keçirilmişdir.

Tədbirdə Türkiyənin Azərbaycandakı Səfirliyinin Kültür üzrə müşaviri İrfan Çifti, Azərbaycan Milli Konservatoriyası tərkibində Respublika İncəsənət Gimnaziyasının direktoru  Aytən Əhmədova  və həmən Gimnaziyanın  müəllim heyəti, Məmməd Səid Ordubadinin direktoru Abbaszadə Lalə, Xırdalan şəhəri 7 saylı tam orta məktəbin müəllim heyəti  iştirak etmişlər.

Tədbirdə Azərbaycan Milli Konservatoriyasının tərkibindəRespublika İncəsənət Gimnaziyasının şagirdlərinin səhnələşdirdiyi “Nəsiminin 650 illik yubileyi” çərçivəsində Teatr şöbəsi tərəfindən hazırlanan ədəbi-bədii kompazisiya tamaşaçılara təqdim edilmiş, Gimnaziyanın Musiqi Şöbəsinin heyəti, Respublika müsabiqələr laureatları İsmayılov Ruslan və İbrahimov Mircərciz Nəsiminin “Neylərəm”, “Dilkeş” qəzəllərini ifa etmiş, Xırdalan şəhəri 7 saylı ota məktəbin şagirdlərinin iştirakı ilə Nəsiminin “Gəl” qəzəli, Nəsiminin “İstəmə” qəzəli  və “Əmir Teymurla Nəsiminin söhbəti” əsasında səhnəcik göstərilmiş, AMK tərkibində  İncəsənət Gimnaziyanın Təsviri və Tətbiqi Sənət Şöbəsinin 10-cu sinif  şagirdi,  Beynəlxalq müsabiqələr larueatı və Yaponiya Beynəlxalq müsabiqəsinin qalibi Qasımova Ayselin rəsm-sərgisi keçirilmişdir.

Tədbirin sonunda “Nəsimi” filmindən şairin “Sığmazam” qəzəlindən səhnə nümayiş olunmuşdur.