Təqvim
YADA DÜŞƏR XATİRƏLƏR - “Ana, bir Gülağa da doğ”
08 mart 2022 - 10:36

 Əgər respublikamızda ilin “Ən yaxşı xeyriyyəçi” müsabiqəsi keçirilsəydi, yəqin ki, Masallı rayonunda boya-başa çatmış, hazırda Moskvada yaşayan Gülağa Qənbərov şəksiz lider olardı. Onun sensasion xeyriyyəçi əməlləri çox şeyin durğunlaşdığı indiki dövürdə hələ də yüzlərlə insanı təəccübləndirir.
Hansı xeyriyyəçi 600 min dollara əlil uşaqlar üçün məktəb tikdirir?
Hansı xeyriyyəçi dəyəri 100 min dollarla ölçülən mülkünü uşaq baxçasına hədiyyə edir?
Hansı xeyriyyəçi bir ildə istedadlar üçün, kimsəsizlər üçün, abadlıq işləri üçün bir milyon dollardan artıq pul xərcləyir?
Gülağa Qənbərov bu dəfə meydana təkcə xeyriyyəçi kimi yox, həm də şair Gülağa Tənha kimi gəlmişdi.
Tədbirin dəbdəbəli keçməsi üçün xeyli iş görülmüşdü. Belə ki, Gülağa Tən-hanın “Mən Allah adamıyam” kitabının təqdimat mərasimi üçün Bakının ən bahalı mərkəzlərindən biri “Muğam teatırı” seçilmişdi. Tədbirə respublikamızın onlarla tanınmış ədəbiyyatçıları, musiqiçiləri, alimləri dəvət olunmuşdu. Azərbaycan tele-viziyasının 1-ci kanalı və “SPACE” kanalı xüsusi çəkiliş aparırdı.
İlk öncə Xalq şairi Bəxtiyar Vahabzadə çıxış etdi. O, Gülağa Tənhanın şerlə-rini səmimi poeziya nümunəsi adlandıraraq, onları yüksək dəyərləndirdi. Daha son-ra o, Azərbaycan Yazıçılar Birliyinin üzvü olması barədə vəsiqəni Gülağa Tənhaya təqdim etdi.
Ədəbiyyatçılar Vaqif Yusifli, Cavanşir Yusifli, Əlibaba Hacızadə, Arif Fər-zəli və başqaları Gülağa Tənhanın şerləri barədə ürək sözlərini söylədilər.
Respublikanın ən məşhur bədii qiraətçiləri İlham Əsgərov, Həlimət Sultan, Laləzar Mustafayeva, Şəhla Əliyeva və başqaları Gülağa Tənhanın şerlərini ifa et-dilər. Məktəbli Ülviyyə Xankişiyevanın söylədiyi şerlər isə səmimiliyi ilə daha çox seçildi.
Tədbirdə Respublikanın tanınmış sənətçiləri Niyaməddin Musayev, Canəli Əkbərov, Könül Kərimova, Zeynəb Behbudova, Elza Seyidcahan, Samir İbrahi-mov, Səbinə İlyasova, Aftandil İsrafilov, Səbuhi İbayev, aşıq Əhliman Şirvanlı və başqaları maraqlı musiqi nömrələri ilə çıxış etdilər. Tədbirdə iştirak edən ondan artıq alimə, Millət vəkilinə və rəsmi şəxslərə, necə deyərlər, çıxış etməyə növbə qalmadı.
Tədbirin sonunda qonaqlar üçün ziyafət verildi..
Təqdimat mərasimində müsbət mənada ən yaxşı yadda qalan elə Gülağa Tənhanın öz çıxışı oldu.
Gülağa Tənhanın çıxışı
Mən şair deyiləm. Buradakı söz ustalarının yanında (zarafatla) bir çobanam. Uşaqlıqda mənimlə qoyun otaranların bəzisi də buradadır. Mən sadəcə olaraq qəl-bimi ağrıdan, göynədən hadisələri qələmə almışam. Onları şerə çevirməkdən özü-mü saxlaya bilmədim. Məni tanıyanlar yaxşı bilir ki, Azərbaycanda kommersiya və siyasətlə məşğul olmuram. Yeganə məqsədim ehtiyac içində yaşayan kimsəsizlərə, əlillərə, şəhid ailələrinə yardımçı olmaq, bir sıra sosial məsələlərin həllində onlara kömək etməkdir.
Yazdığım hər şerin bir tarixçəsi var. Bir dəfə valideynini itirən uşaqlarla gö-rüşəndə, onlara ziyafət verəndə, bir uşağın çörək oğurladığını gördüm. Çox qəhər-ləndim. Demək bu uşaqların təkcə valideyin himayəsinə yox, bir tikə çörəyə də bö-yük ehtiyacı var. Və bu hadisə şerə çevrildi.

 

Vətən həsrəti ilə yaşamaq çətin,
Çörək həsrətini anmamışam mən.
Bu gün internatda, bayram günündə,
Çörək həsrətini anlamışam mən.

Bu dilsiz balalar, demə, qarnına,
Doyunca çörək də tapmayır burda..
Ata-ana dərdi hələ bir yana,
Doyunca yemək də tapmayır burda.

Bu Fani dünyanın üzünə gülən,
Nə olar yolunu bu yerdən sala?
Saray ucaltdıran, qala tikdirən,
Bir yol da onların qeydinə qala.

Vətən oğul deyər, millət əzizlər,
Kim olsa onların bu gün pənahı.
Ey vicdanı paklar, qəlbi təmizlər,
Axı körpələrin nədir günahı?

Gəlin, millət deyib verək əl-ələ,
Bir vətən övladı qalmasın yetim.
Bu məhsum uşaqlar, suçsuz körpələr,
Bir daha çəkməsin çörək həsrəti.

 

Bir dəfə isə Göy məsciddə dilənmək bacarmayan, amma dilənmək istəyən yaşlı qadınla rastlaşdım. O acı mənzərə də şerə çevrildi.

Bir ana dilənir, səbrim daralır,
Gülümsər göylərin rəngi qaralır.
Bu tənha qəlbimi duman, qar alır,
Ağzının dadından sədəqə ver get.

Gözləri çağırır gəlib gedəni,
Nə vaxtdır gözləyir qədir biləni.
Qürurun yolundan saxlasın səni,
Kişilik adından sədəqə ver, get.

Tənəli baxışla baxma həyata,
Möhtacdır yaxına, möhtacdır yada.
Gücün çatmadısa beş-on manata,
Qəlbinin odundan sədəqə ver, get.

 

Tədbirin sonunda Gülağa Tədbir iştirakçılarına ilk kitabını hədiyyə etdi, xatirə şəkilləri çəkdirdi. G.Qənbərov çıxışının əvvəlində isə məclis iştirakçıların-dan mərhum və sabiq prezident Heydər Əliyevin xatirəsini 1 dəqiqəlik sükutla yad etməyi xahiş etdi.
Bəli yüzdən artıq adam gözəl bir tədbirin, xeyirxahlığın şer dilinə gözəl “tər-cüməsi”nin şahidi oldu.
Tədbirə yeganə xələl gətirən isə “Muğam teatr”ının ürək açmayan xidməti idi. Tədbir başlar-başlamaz, mikrafonlar şıltaqlıq etməyə başladı, aparıcı Rövşanə xanım eyni mətni 3-4 dəfə oxumağa məcbur oldu. Ən acınacaqlı hal isə ziyafət vaxtı adamlara fərq qoyulması idi. Belə ki, xaricdən gələn biznesmenlərə, müəllim-lərə, ümumi zalda əyləşənlərlə hücrələrdə əyləşənlərə kəskin fərqli xidmət olunur, bəzilərinə isə heç xidmət olunmurdu.
Bütün bunlara baxmayaraq, insanlar bu tədbirixeyirxah əməllərdən doğan səmimi şerlərin gözəl təəssüratı ilə tərk etdilər.
Qəzet çapa gedərkən Gülağa Qənbərov fondundan bizə məlumat verdilər ki, Gülağa Qənbərov Hacı Zeynalabdin Tağıyev fondu tərəfindən bu fondun qalibi he-sab olunur. Həmçinin xahiş etdilər ki, Gülağa Qənbərovun adından bütün azərbay-canlıları müqəddəs Qurban bayramı münasibəti ilə təbrik edək. Sonda o məlumatı da aldıq ki, Masallı rayonunda 100-dən artıq imkansız ailəsinə fond tərəfindən Qurban payı veriləcək..

Fidan

Sosial şəbəkələrdə paylaş:
Kateqoriya:
İQTİSADİYYAT
Gülağa Tənha: LALƏNİN QARA XALI18:26, 24 iyun 2022
Ruslar Ukraynanın daha bir şəhərini tamamilə zəbt etdilər 18:23, 24 iyun 2022
Azərbaycan, Ermənistan və Rusiyanın baş prokurorları arasında görüş keçirildi 18:20, 24 iyun 2022
Bayden Azərbaycanla bağlı qərar imzaladı 13:59, 24 iyun 2022
Ermənilər Göyçə gölünü qurudur 13:15, 24 iyun 2022
PKK-nın rəhbər şəxslərindən biri məhv edildi 13:00, 24 iyun 2022
Rəsul Rzanın ev-muzeyi yaradılacaq 15:37, 23 iyun 2022
İlham Əliyev Qırğızıstanla Anlaşma memorandumlarını TƏSDİQLƏDİ 15:34, 23 iyun 2022
91 yaşlı milyarder model arvadından BOŞANIR 15:32, 23 iyun 2022
Gülağa Tənha: XALQIN VƏKİLİ – SƏN12:24, 23 iyun 2022
SEPAH-ın kəşfiyyat xidmətinin rəhbərinə sui-qəsd oldu12:17, 23 iyun 2022
İlham Əliyev Rumıniya nümayəndə heyətini qəbul etdi 12:16, 23 iyun 2022
İlham Əliyevin Özbəkistana səfəri başa çatdı 17:46, 22 iyun 2022
Braziliya gözəli vəfat etdi 17:42, 22 iyun 2022
Şair, aktyor və tənqidşünaslar məclisi: Gülağa Tənha-Nizaməddin Şəmsizadə-İlham Əskərov-Vaqif Yusifli15:12, 22 iyun 2022
Rusiyada hərbi hissədə güclü partlayış baş verdi 15:09, 22 iyun 2022
Rusiyanın S-300 müdafiə sistemləri Belarusa aparıldı 14:54, 22 iyun 2022
Füzulidə şirkət rəsmisini ilan sancdı 14:51, 22 iyun 2022
Bülənt Ərsoyun məzarına lift də quraşdırılacaq 17:55, 21 iyun 2022
FİFA Rusiyaya qadağını uzatdı 17:51, 21 iyun 2022
 

Bütün hüquqlar qorunur © 2022

Haqqıımızda | Saytda reklam | Bizimlə əlaqə